დღეს კომპანია „ვაზისუბნის მამული” წარმოგიდგენთ ქართული ღვინის ახალ ბრენდს „Georgian Sun“, რომლის პრეზენტაციაც მოწვეული სტუმრებისთვის 18:30 საათზე Hard Rock Café-ში გაიმართება. 
“Georgian Sun”  ქართული ღვინის ბრენდია, რომელიც საქართველოს ულამაზეს კუთხეში, კახეთში, სოფელ ვაზისუბნის განაპირას, მზის გულზე დაიბადა. 
მზის აღმნიშვნელი სიმბოლო უძველეს ქართულ ასომთავრულ დამწერლობაში, შვიდიდან ერთ-ერთი იდეოგრამის სახითაც გვხვდება -  . სწორედ ქართული მზით არის შთაგონებული კომპანია “ვაზისუბნის მამულის” ბრენდი “Georgian Sun”.
კახური მწვანე, რქაწითელი, საფერავი, ხიხვი და ქისი - საქართველოს  მზით ნაფერები ხუთი ენდემური  ჯიშია, რომელიც ვაზისუბნისა და მუკუზანის ზონებში გაშენებულ 33 ჰექტარზე, საკუთარ ვენახებში იკრიფება. ღვინის დამზადების პროცესში, მუდმივად არიან ჩართული მსოფლიოს სხვადასხვა ქვეყნებში  აღიარებული  ქართველი მეღვინეები, რომლებიც ვაზისუბნის მამულში თანამედროვე ევროპული ტექნოლოგიებისა და ლოკალური ტრადიციების შერწყმით ქმნიან ღვინოს - ქართული ხასიათით.“
კომპანია „ვაზისუბნის მამულის“ ახალი ბრენდი „Georgian Sun” აწარმოებს შემდეგი სახის ღვინოს: რქაწითელი - მწვანე (თეთრი მშრალი),საფერავი (წითელი მშრალი), საფერავი ალექსანდროული (წითელი მშრალი), ალაზნის ველი (წითელი ნახევრად ტკბილი), ქინძმარაული (წითელი ნახევრად ტკბილი), მუკუზანი (წითელი მშრალი).
უახლოეს პერიოდში შეგიძლიათ დააგემოვნოთ და შეიძინოთ ღვინო -  ქართული ხასიათით კარფურის, ნიკორას, ევროპროდუქტის ქსელებსა და  სხვა პრესტიჟულ ღვინის მაღაზიებში. 

(NS) 

ავტორი: ,

სოციალური ქსელები

უკრაინამ აზოვის ზღვაში 21 რუსული ტანკერის განადგურების შესახებ განაცხადა

ლექსო ლაშქარავას მკვლელობიდან 5 წელი გავიდა, შემსრულებლები გარეთ არიან, ორგანიზატორები დაუსჯელები

საია: ევროპის საბჭოს კომისარი შეუერთდა საქართველოს „უცხოელი აგენტების“ შესახებ კანონის საქმეს

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის