თბილისის საკრებულოს სხდომის დაწყება ამ დრომდე ვერ ხერხდება.

„ევროპული საქართველოსა“ და „ნაციონალური მოძრაობის“ თბილისის მერობის კანდიდატები და მათი მხარდამჭერები ყოფილი პრემიერის ბიძინა ივანიშვილის მფლობელობაში არსებული კომპანიისთვის მიწის გადაცემის საკითხის განხილვას აპროტესტებენ. ისინი საკრებულოს თავმჯდომარეს სხდომის დაწყების საშუალებას არ აძლევენ.

დღევანდელ სხდომაზე ბიძინა ივანიშვილის მფლობელობაში არსებული კომპანიისთვის პუშკინის სკვერის მიმდებარედ 1 900 კვ. მეტრი მიწის ნაკვეთის გადაცემის საკითხის განხილვაა დაგეგმილი. კომპანია ითხოვს, რომ მიწი ნაკვეთი ერთ ლარად გადაეცეს და სანაცვლოდ ადგილზე 1 მილიონი ლარის ინვესტიციას განახორციელებს, ასევე მოაწყობს რამდენიმე დონიან მიწისქვეშა პარკინგს.

„ეს მიწისქვეშა პარკინგი მოეწყობა არა საზოგადოებისთვის, არამედ ერთი კონკრეტული სასტუმროს კლიენტებისთვის. ამაში ფულის გადახდაც არ უნდა ამ ადამიანს, რომ შეისყიდოს და თბილისის ბიუჯეტში ფული შეიტანოს“, - განაცხადა „ნაციონალური მოძრაობის“ თბილისის მერობის კანდიდატმა ზაალ უდუმაშვილმა და საკრებულო პროტესტის ნიშნად დატოვა.

ვითარების გასანეიტრალებლად სხდომაზე დაცვის სამსახურის თანამშრომლები შევიდნენ.

ავტორი: ,

სოციალური ქსელები

ლექსო ლაშქარავას მკვლელობიდან 5 წელი გავიდა, შემსრულებლები გარეთ არიან, ორგანიზატორები დაუსჯელები

საია: ევროპის საბჭოს კომისარი შეუერთდა საქართველოს „უცხოელი აგენტების“ შესახებ კანონის საქმეს

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა