საფრანგეთში სავარაუდოდ, ლეონარდო და ვინჩის „მონა ლიზას“ ესკიზი აღმოაჩინეს, - ამის შესახებ BBC იუწყება.

მედია საშუალების ინფორმაციით, საუბარია ნახშირით შესრულებულ შიშველი ქალის პორტრეტზე, რომელიც 150 წელია საფრანგეთში, კონდეს მუზეუმში ინახება.

მანამდე მიიჩნეოდა, რომ მონა ვანას სახელით ცნობილი ქალის პორტრეტი მხატვრის სტუდიაში და ვინჩის მოწაფის მიერ იყო შესრულებული. ახლა, ექპერტები აცხადებენ, რომ აღნიშნული ესკიზის შესრულება, ნაწილობრივ მაინც, თავად და ვინჩისაც შეეძლო.

შავ-თეთრი პორტრეტი 1862 წლიდან პარიზის მახლობლად, კონდეს მუზეუმში, აღორძინების ეპოქის ხელოვნების კოლექციაში ინახებოდა.

„ნახატზე შესანიშნავად დაწერილია სახე და ხელები. ეს არ არის მკრთალი ასლი. ჩვენს წინაშეა ის, რაზეც ლეონარდო ცხოვრების ბოლო წლებში „მონა ლიზასთან“ პარალელურად მუშაობდა. ეს დიდი ალბათობით ფერწერული ტილოს შესაქმნელად მოსამზადებელი სამუშაო იყო“, - განაცხადა კონდეს მუზეუმის კურატორმა მატიე დელდიკიმ.

ლუვრის რესტავრატორის თქმით, ტილო "საკმაოდ მაღალი ხარისხისაა" და შექმნის დრო ლეონარდო და ვინჩის სიცოცხლის წლებს ემთხვევა.

ამასთან, ექსპერტების ნაწილი თვლის, რომ პორტრეტის ზედა ნაწილში შტრიხები მარჯვენა ხელით არის შესრულებული, და ვინჩი კი, ცაცია იყო.

ლეონარდო და ვინჩი (1452-1519) იტალიური აღორძინების უდიდესი მხატვარი იყო. მისი ნახატი მონა ლიზა, იგივე ჯოკონდა, დღემდე რჩება რენესანსის ეპოქის ერთ-ერთ ყველაზე ცნობად და მსოფლიო ხელოვნებისთვის მნიშვნელოვან ნამუშევრად. მიიჩნევა, რომ პორტრეტზე გამოსახული ქალი არის ფლორენციელი ვაჭრის ფრანჩესკო ჯოკონდოს ცოლი, ლიზა გერარდინი. „მონა ლიზას“ ყველაზე მეტჯერ უკეთებდნენ ასლს, ვიდრე სხვა რომელიმე ნახატს.

ავტორი: ,

სოციალური ქსელები

კომერსანტი: კრემლში თქვეს, რომ ე.წ. სამხრეთ ოსეთის სტატუსის გადაწყვეტის დრო დადგა

გიორგი გახარია: ქართული ოცნება ოკუპანტ სახელმწიფოსთან კოლაბორაციონიზმის ღია დემონსტრირებას ახდენს

ედიტე ესტრელა: საქართველოში დემოკრატიული უკუსვლა გაგრძელდა, ასამბლეის არცერთი სასწრაფო რეკომენდაცია არ განხორციელებულა

მასწავლებლის ეროვნული ჯილდოს კონკურსზე 120-ზე მეტმა მასწავლებელმა შეავსო განაცხადი - პროექტის მთავარი მხარდამჭერია საქართველოს ბანკი