აჭარაში ტურისტული მარშრუტების მარკირება მიმდინარეობს. აჭარის ტურიზმის დეპარტამენტის ტურისტული პროდუქტების სააგენტო ნიშნულებს ამჟამად, ეროვნულ პარკებსა და დაცულ ტერიტორიებამდე მისასვლელ ცენტრალურ გზებზე ამონტაჟებს.

მათ შორისაა კინტრიშის ეროვნული პარკამდე, ქობულეთის დაცულ ტერიტორიამდე, მტირალასა და მაჭახელას ეროვნულ პარკებამდე  არსებული გზის მონაკვეთი, რომლის სრული მარკირებაც მიმდინარეობს.

2017 წელს, ტურისტული პროდუქტების განვითარების სააგენტომ ჯამში 50-ზე მეტი მანიშნებელი 10 ტურისტული მარშრუტის მიმართულებით განათავსა.  მათ შორის ისეთ მარშრუტებზე, სადაც საერთოდ არ არსებობდა რაიმე სახის მანიშნებლები. ესენია მწვანე ტბის წრიული მარშრუტი და ქედის მუნიციპალიტეტში არსებული მერისისა და ზენდიდის ტურისტული მარშრუტები. ნიშნულები ასევე დაემატა გობრონეთის, მაჭახელას, კურორტ გოდერძისა და სოფ. დანისპარაულის, ასევე ფრინველებზე დაკვირვების მარშრუტებს.

„მუდმივად ვმუშაობთ მაღალმთიან აჭარაში ტურისტული მარშრუტების განვითარებაზე.  ჩვენი მთავარი მიზანია რეგიონში ჩამოსულმა ტურისტებმა იმოგზაურონ ეროვნულ პარკებსა და რეგიონის ულამაზეს მთიანეთში. ბუნებრივია ამას სჭირდება შესაბამისი ინფრასტრუქტურა ეს იქნება გზები, ნიშნულები თუ ადგილზე არსებული ტურისტული ინფრასტრუქტურა. 2017 წელის იანვრიდან 50-ზე მეტი მანიშნებელი დამონტაჟდა,, რაც  ტურისტებს რეგიონში მოგზაურობა გაუმარტივებს“ განაცხადა აჭარის ტურიზმის დეპარტამენტისა და კურორტების თავმჯდომარე სულხან ღლონტმა.

წლის ბოლომდე დაგეგმილია მუნიციპალიტეტების ცენტრებში არსებული აჭარის ტურისტული რუქების განახლებაც. აჭარის ტურიზმის დეპარტამენტის ტურისტული პროდუქტების განვითარების სააგენტო მარშრუტების კვლევას, მარკირებას, მარშრუტებზე მანიშნებლების და საინფორმაციო დაფების განთავსებას მომალ წელსაც გააგრძელებს. 

ავტორი: ,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა