პროკურატურამ აზერბაიჯანულ მხარეს მიხეილ სააკაშვილის დაკავების თხოვნით მიმართა

2015-04-29 10:01:50, 597 ნახვა

სამართალი

საქართველოს მთავარმა პროკურატურამ აზერბაიჯანულ მხარეს ყოფილი პრეზიდენტის მიხეილ სააკაშვილის დაკავების და საქართველოში ექსტრადირების თხოვნით მიმართა.

ინფორმაცია „ექსპრესნიუსს“ საქართველოს მთავარ პროკურატურაში დაუდასტურეს. როგორც უწყებაში აცხადებენ პროკურატურამ აზერბაიჯანის გენერალურ პროკურატურას მიხეილ სააკაშვილის დაპატიმრების და საქართველოში ექსტრადირების შესახებ მოთხოვნა გაუგზავნა.

ცნობისთვის, საქართველოს ყოფილი პრეზიდენტი მიხეილ სააკაშვილი ბაქოში იმყოფება. იგი აზერბაიჯანის დედაქალაქში ექს-პრეზიდენტებისა და მთავრობის მეთაურთა სამიტზე დასასწრებად ჩავიდა.

აზერბაიჯანის პროკურატურამ და შინაგან საქმეთა სამინისტრომ, მიხეილ სააკაშვილის დაპატიმრებისა და ექსტრადიციის საკითხთან დაკავშირებით კომენტარის გაკეთებაზე უარი განაცხადეს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან