„ჩემი ქვეყანა, როგორც ევროპული სახელმწიფო, იძლევა დამატებით შესაძლებლობებს, რათა კიდევ უფრო გამყარდეს ურთიერთობა დასავლეთსა და აღმოსავლეთსა შორის, მაგრამ ჩვენ უზრუნველყოფილი უნდა გვქონდეს თავისუფლება“,-ამის შესახებ საქართველოს პრეზიდენტმა გიორგი მარგველაშვილმა ვაზიანში განაცხადა, სადაც აშშ-ის ვიცე-პრეზიდენტთან ერთად სწავლების „ ღირსეული პარტნიორი“ მონაწილე სამხედროებს ხვდება.

მარგველაშვილის თქმით, სტაბილურობა და სიმშვიდე ძალისმიერი მეთოდების გარეშე უნდა იქნას უზრუნველყოფილი. მან აშშ-ს ვიცე-პრეზიდენტს  საქართველოს ტერიტორიული მთლიანობისა და სუვერენიტეტის მხარდაჭერისთვის მადლობა გადაუხადა:

„ აქედან გამომდინარე გვჭირდება მყარი მოწოდება, რომ აღნიშნული კედელი დაეცეს. ის მოწოდება, რომელმაც დაასრულა ცივი ომი, ისე, როგორც ერთ-ერთმა გენერალმა ბრძანა, „უმაღლესი ხელოვნებაა ომი მოიგო ბრძოლის გარეშე“. ძლიერი მართვის პოლიტიკით და ერთიანი გზავნილით, რომ ეს მიუღებელია, ჩვენ უნდა მივაღწიოთ სტაბილურობისა და მშვიდობის პერიოდს. ბატონო ვიცე-პრეზიდენტო, თქვენი ვიზიტი გახლავთ ძალიან ძლიერი სიგნალი ჩვენი პარტნიორობისთვის. დიდი მადლობა ჩვენი სუვერენიტეტის და ტერიტორიული მთლიანობის მხარდაჭერისთვის, ისევე როგორც ქვეყნის ევროპული და ევროატლანტიკური ინტეგრაციის. ძალა ერთობაშია - ეს გახლავთ საქართველოს დევიზი და მე ამ მიმართულებით რასაც ჰქვია ღირსეული პარტნიორობა, კულტურული, ეკონომიკური, ადამიანთა შორის კონტაქტები, მწამს, რომ ეს ყოველივე ჩვენს ქვეყნებს და მთლიანად ატლანტიკურ კონტინენტს, მოუტანს გაცილებით მეტ სარგებელს. ღმერთმა დალოცოს ჩვენი მამაცი ჯარისკაცები, ღმერთმა დალოცოს ჩვენი ერები“,-აღნიშნა გიორგი მარგველაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება

პოლიციამ ფატიმა კარიმოვას მკვლელობისთვის ძებნილი ბიძაშვილი, ემინ ალიევი ბათუმის საერთაშორისო აეროპორტში დააკავა

Apple-მა OpenAI-ს უჩივლა და კომპანიას სავაჭრო საიდუმლოებების მოპარვაში დასდო ბრალი