დიმიტრი ქუმსიშვილმა და ზურაბ ალავიძემ ბათუმის ნაპირდაცვის სამუშაოები დაათვალიერეს

2017-07-14 16:56:08, 2404 ნახვა

საზოგადოება რეგიონი

ფინანსთა მინისტრმა დიმიტრი ქუმსიშვილმა და რეგიონული განვითარებისა და ინფრასტრუქტურის მინისტრმა, ზურაბ ალავიძემ ბათუმში ნაპირდაცვის სამუშაოები და სანაპირო ზოლის მოწყობის სამუშაოები დაათვალიერეს.

ფინანსთა სამინისტროს მიერ გავრცელებულ ინფორმაცი ნათქვამია, რომ ბათუმში ნაპირდაცვის სამუშაოები და სანაპირო ზოლის მოწყობის სამუშაოები აქტიურად მიმდინარეობს.

მშენებლობას აზიის განვითარების ბანკი 30 მილიონი ლარით აფინანსებს. პროექტი ითვალისწინებს, დაახლოებით, 2 კმ ნაპირსამაგრი ნაგებობის მოწყობას და სანაპიროს აღდგენას ქვიშა-ხრეშოვანი ნარევით. ასევე, მოეწყობა არსებული ბულვარის აღდგენილ სანაპიროსთან დამაკავშირებელი 12 საფეხმავლო ხიდი.

მიმდინარე ინფრასტრუქტურული პროექტები განსაკუთრებით მნიშვნელოვანია რეგიონის სოციალურ-ეკონომიკური განვითარებისთვის, ინვესტიციების მოზიდვისა და ტურიზმის ხელშეწყობის კუთხით.

სამუშაოები 2018 წლის აგვისტოში დასრულდება.

(NS)

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან