მალტას პარლამენტმა ერთი და იმავე სქესის მქონე პირების ქორწინება დააკანონა, - ამის შესახებ Euronews იუწყება.

მედია საშუალების ინფორმაციით, აღნიშნული კანონის მომხრე მალტას პარლამენტის 66 დეპუტატი იყო, ერთი კი, წინააღმდეგი.

ქვეყნის პრემიერ-მინისტრის ჯოსეფ მუსკატის განცხადებით, ეს ისტორიული გადაწყვეტილებაა.

"ეს გადაწყვეტილება მეტყველებს იმაზე, რომ ჩვენი დემოკრატია და საზოგადოება უპრეცენდენტო განვითარების გზას ადგას. ამ საზოგადოებაში თამამად შეგვიძლია ვთქვათ, რომ ყველანი თანასწორები ვართ", - განაცხადა მუსკატმა.

მედიის ცნობით, ამიერიდან საბუთებში არ იქნება ნახსენები სტატუსი : "ქმარი" და "ცოლი", ასევე "მამა" და "დედა". ამ სტატუსებს ჩაანაცვლებენ სიტყვებით "მეუღლე" და "მშობელი".

როგორც მედია წერს, მალტას ხელისუფლებამ შესაბამისი გადაწყვეტილება ქვეყანაში დისკრემინაციის აღმოფხვრის მიზნით მიიღო.

ცნობისთვის, კათოლიკური მალტა, რიგით 24-ე ქვეყანა გახდა, სადაც ერთი და იმავე სქესის პირების ქორწინება დაკანონებულია. ცოტა ხნის წინ ასეთივე გადაწყვეტილება გერმანიის ბუნდესტაგმა მიიღო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სახალხო დამცველმა ისაუბრა დაკავებულების გაშიშვლების, მათ შორის არასრულწლოვანთა ცემის, გაუპატიურების მუქარაზე პოლიციის მხრიდან

ყაზახეთმა და ევროკავშირმა ბრიუსელში არაერთ სტრატეგიულ დოკუმენტს მოაწერეს ხელი

სახახო დამცველმა ივანიშვილის რეჟიმის მიღებული დრაკონული და ადამიანის უფლებების შემზღუდავი კანონები გააკრიტიკა

საქართველოს ბანკის ბიზნეს 360˚-ის ფარგლებში, ქოფირაითინგის ვორკშოპი გაიმართება