საგანგებო სიტუაციების მართვის სააგენტო მოსახლეობას მოუწოდებს, ყურადღება მიაქციონ სანაპირო ზოლზე არსებულ ბანერებს და ამკრძალავ ზოლებს, არ გაცდნენ მაშველთა პატრულირების არეალს და არ შევიდნენ წყალში ნასვამ მდგომარეობაში ან ნაბახუსევზე.

„ასევე, ყურადღება მიაქციონ ბავშვებს და მოზარდებს. კატეგორიულად აკრძალულია წყალში შესვლა შტორმის, უამინდობის და შეზღუდული ხილვადობის დროს. თავი შეიკავონ წყალში შესვლისგან იქ, სადაც არ არის მოწყობილი სანაპირო ზოლი, არ არის ხალხმრავალი ადგილი, არ დგას მიმანიშნებელი და ამკრძალავი ნიშნები და არ არის შექმნილი პირობები უსაფრთხო ცურვისთვის.

შავ ზღვაში დღეს 5-ბალიანი შტორმი დაფიქსირდა. მაშველებმა, ბათუმის სანაპიროსთან ზღვაში 14 ადამიანი გადაარჩინეს, რომელთა შორის ორი უცხო ქვეყნის მოქალაქე, ორი კი ალკოჰოლური თრობის ქვეშ მყოფი პირი იყო“, - აცხადებენ საგანგებო სიტუაციების მართვის სააგენტოში.

მათივე ცნობით, გრძელდება 45 წლის კაცის სამძებრო სამუშაოები, რომელიც 2 დღის წინ, სავარაუდოდ, ზღვაში დაიკარგა.

საშტორმო მდგომარეობის გაუქმებას ზეგიდან ვარაუდობენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს

რას პასუხობს საზოგადოებრივი მაუწყებელი სინდისის პატიმრების მშობლებს ეთერის მოთხოვნაზე