„მე ბატონ სააკაშვილთან კარგა ხნის პოლიტიკური დაპირისპირება მაკავშირებს პირველი დღეებიდან, „ნაციონალური მოძრაობის“ შექმნისა“, - ამის შესახებ საქართველოს პრეზიდენტმა გიორგი მარგველაშვილმა „რუსთავი 2“-ის გადაცემა არჩევანში განაცხადა.

„მე ბატონ სააკაშვილთან კარგა ხნის პოლიტიკური დაპირისპირება მაკავშირებს. პირველი დღეებიდან „ნაციონალური მოძრაობის“ შექმნისა.  ურთიერთობა სააკაშვილთან დავამთავრე მაშინ, როდესაც მან დაამთავრა პოლიტიკური მოღვაწეობა. პოლიტიკურად ჩვენ შორის ურთიერთობა დამთავრდა, როდესაც მან შეწყვიტა პრეზიდენტობა და მე ვერ ვხედავ საჭიროებას მასთან დიალოგის. ის არის საქართველოს ორჯერ პრეზიდენტი, მის როლს შეაფასებს ისტორია, მე მასთან კითხვები არ გამაჩნია“, - განაცხადა პრეზიდენტმა.

საქართველოს პრეზიდენტის განცხადებით, უკრაინის პრეზიდენტის ჩამოსვლის შემდეგ მასთან დაგეგმილია შეხვედრა, თუმცა საუბარი არა მიხეილ სააკაშვილს ექსტრადირებას, არამედ ორი ქვეყნის ურთიერთობას შეეხება.

„ჩემთან ამ საკითხზე, ბუნებრივია, არც ყოფილა დაგეგმილი და მე ამ საკითხის წამოწევას არანაირად არ ვფიქრობ“, - განაცხადა გიორგი მარგველაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

SJP-მ ფორმულას, ტვ პირველისა და პუბლიკას საქმეებზე განგაშის სიგნალი ჩართო

ცაგერის საკრებულოს დეპუტატი „ქურდული სამყაროს“ მხარდაჭერის ბრალდებით დააკავეს

მარეგულირებელი კომისიის მიერ ტვ პირველისთვის დაკისრებული სანქციის გამო, ევროსაბჭომ განგაში გამოაცხადა

ე.წ. ქურდული გარჩევების საქმეზე დაკავებული ლალო გველესიანი და სხვა პირები პატიმრობაში გაუშვეს