ადვოკატ გიორგი ფანცულაიას განცხადებით, დღევანდელ სასამართლო პროცესზე  უკვე დაიკითხა  რამდენიმე ექსპერტი, რომლებმაც ნატრიუმის ციანიდზე ქიმიური კვლევები ჩაატარეს.

მისი თქმით, ყველა მათგანმა დაადასტურა, რომ აღნიშნული ნივთიერების უპირველესი დანიშნულება ოქროს გამოყვანაა.

გიორგი ფანცულაიას განცხადებით, გიორგი მამალაძე გამოძიებისთვის მიცემულ ჩვენებაში სწორედ ოქრომჭედლობისათვის ციანიდის გამოყენებაზე  მიუთითებდა.

შესაბამისად, ადვოკატის განმარტებით, გამოძიებას  უნდა ემუშავა იმ ვერსიაზეც ნატრიუმის ციანიდი მართლა ოქრომჭედლობისთვის გამოიყენებოდა თუ არა.

„დაიკითხნენ ექსპერტები, რომლებმაც  ჩაატარეს კვლევები  იმ  ნივთირებაზე, რომელიც გიორგი მამალაძეს ჩაუდეს  და რომელიც შემდეგ აღმოჩნდა, რომ იყო ნატრიუმის ციანიდი. მათ თქვეს რომ ამ ნივთიერების  უპირველესი დანიშნულებაა ოქროს გამოყვანა. ამ ნივთიერების უმთავრესი ფუნქცია ეს იყო. გიორგი მამალაძემ გამოძიებას 60 ფურცელზე მეტი ჩვენება მისცა. ბრალდებულისთვის შეიძლება სასარგებლო ყოფილიყო, დუმილი გამოეყენებინა, მაგრამ მან იმიტომ მისცა ჩვენება, რომ ამ ჩვენებით ჩაეტარებინათ  რეალური კვლევაა გამოძიება პროკურატურაში.  გიორგი მამალაძე ჩვენებაში ამბობდა, რომ „მე ვფიქრობდი შორენა, როცა მთხოვდა, ოქროსმჭედლობისთვის სჭირდებოდაო“. არცერთ ექსპერტს გამოძიებამ ერთი კითხვა არ დაუსვა. გამოძიების კვლევის პერიოდში თუ იყო შესაძლებელი აღნიშნული ნივთიერება მართლაც ყოფილიყო ოქრომჭედლობისთვის გამოყენებული. ეს პირდაპირ მიუთითებს თუ რა წინასწარ დაკვეთილ ერთადერთ ვერსიაზე მუშაობდა გამოძიება“,-აღნიშნა ფანცულაიამ და დასძინა, რომ მამა გიორგი მამალაძეს ბარგში ნივთიერება ციანიდი ჩაუდეს.

თუმცა, ადვოკატის თქმით, როცა გამოძიება ექსპერტს სთხოვს გადამოწმოოს ნატრიუმის ციანიდი სჭირდებოდა თუ არა ბრალდებულს მოსაწამლად, ასევე ვალდებული არიან გადაამოწმონ ის ვერსია მართლა გამოიყენებოდა თუ არა ციანიდი ოქრომჭედლობისთვის. 

ამასთან, ადვოკატი გიორგი ფანცულაია ამბობს, რომ სამხარაულის ბიუროს ექსპერტებმა ვიდეომასალასთან დაკავშირებით მნიშვნელოვანი დეტალები დაადასტურეს. 

"მაშინ როდესაც საუბარია მარილზე გაშვებაზე და იქ ეს წინადადება იკითხება ასე, რომ შორენა მარილზეა გასაშვები, ვინაიდან მასზე აქვს ნაწინასწარმეტყველები მამა გაბრიელს, რომ ის გაგიჟდება და საპატრიარქოში არ შეუშვებენ. სიტყვა მარილი სწორედ ამ წინადადებაში იყო. ჩვენ დავუსვით შეკითხვა  ხომ არ არის წყვეტა სიტყვა  მარილსა და წინასწარმეტყველებას შორის და მათ თქვეს, რომ ეს არის ერთი წინადადება. მათ შორის არანაირი წყვეტა არ არსებობს და სიტყვა მარილი თავიდან ბოლომდე გამოიყენებოდა იმ შინაარსისთვის, რომ შორენა თეთრუაშვილს აუხდება მამა გაბრიელის სიტყვები და არ შეუშვებენ საპატრიარქოში და ამ სახით იქნება მოშორებული საპატრიარქოდან",-განაცხადა გიორგი ფანცულაიამ.  

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პუტინის უახლოეს თანამოაზრეებს შორის მისი ასაკის პირველი ადამიანი გარდაიცვალა - ივანოვი და საქართველო

საქართველოსთვის: კობახიძემ გაიფორმა თავი მოძალადე პრემიერად, ვერ გაექცევა პასუხისმგებლობას

პარლამენტის 2026 წლის საგაზაფხულო სესია ხელჩართული ჩხუბით დაიხურა

ექსპრეს ლომბარდი საკომუნიკაციო კამპანიას „ჰკითხე ექსპერტს“ აგრძელებს