საქართველოში წარმოებული აგრარული პროდუქციის პოპულარიზაციისა და რეალიზაციის ხელშეწყობის მიზნით, სასოფლო-სამეურნეო კოოპერატივების განვითარების სააგენტომ  სასოფლო-სამეურნეო კოოპერატივების მიერ წარმოებული პროდუქციის გამოფენა-გაყიდვა გამართა. 

თბილისში, დედაენის ბაღში გამართულ გამოფენა-გაყიდვაში მონაწილეობა მიიღეს საქართველოს სხვადასხვა კუთხიდან აგროპროდუქციის მწარმოებელმა  კოოპერატივებმა. 

გამოფენა-გაყიდვის ფარგლებში წარმოდგენილი იყო  თაფლი და თაფლის პროდუქტები, ღვინო, ჩაი, ყველი, ხილი  და ბოსტნეული.   

აგროპროდუქციის გამოფენა დაათვალიერეს სოფლის მეურნეობის მინისტრის მოადგილემ გიორგი ხანიშვილმა  და სასოფლო-სამეურნეო კოოპერატივების განვითარების სააგენტოს თავმჯდომარემ გიორგი მიშელაძემ.

ვფიქრობთ, რომ ასეთი ღონისძიებები   გაიმართოს რეგიონებში ამავე დროს  ჩვენ ვმუშაობთ ქალაქის მერიასთან რომ ქალაქში თვეში ერთხელ მოეწყოს მსგავსი გამოფენები, რაც ხელს შეუწყობს  კოოპერატივების წარმოებული პროდუქციის ცნობადობის გაზრდას, აღნიშნა სოფლის მეურნეობის მინისტრის მოადგილემ გიორგი ხანიშვილმა. 

დღეისათვის საქართველოში სხვადასხვა დარგის 1500 -ზე მეტი  სასოფლო-სამეურნეო კოოპერატივია რეგისტრირებული. სასოფლო-სამეურნეო მიმართულებით კოოპერაცია აგრარული პროდუქციის წარმოების ზრდას, თანამედროვე ტექნოლოგიებისა და სტანდარტების დანერგვას და, შედეგად, სოფლად მცხოვრები მოსახლეობის ეკონომიკურ გაძლიერებას უწყობს ხელს. 

ფოტო რეპორტაჟი

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზურაბ ჯაფარიძე: ერთადერთი, რაც თვითმხილველებს „ახსოვთ“, არის ის, რომ ჩვენ „ზეწოლისკენ“ მოვუწოდეთ

კონგრესმენმა უილსონმა ეუთოს საპარლამენტო ასამბლეის სხდომიდან ქართული დელეგაციის წასვლა სამარცხვინო უწოდა

უტა ბერიას ფილმის ,,ცრემლსადენი გაზი" მსოფლიო პრემიერა ლოკარნოს კინოფესტივალის სექციაში შედგება

გაატარეთ ზაფხულის ცხელი დღეები SOLO-სთან ერთად - Iveria Beach-ზე მუსიკალური ღონისძიებების სერია იწყება