2017-06-29 18:51:46, 2491 ნახვა
სამართალი
ავტომობილების არასწორი პარკირებისთვის ადმინისტრაციული ჯარიმა 20 ლარამდე აღარ გაიზრდება
ავტომობილების არასწორი პარკირებისთვის ადმინისტრაციული ჯარიმა 20 ლარამდე აღარ გაიზრდება და ძალაში არსებული 10-ლარიანი ჯარიმა დარჩება, - შესაბამისი გადაწყვეტილება დღეს პარლამენტმა მიიღო.
კანონპროექტს მხარი 85 დეპუტატმა დაუჭირა.
აღნიშნულ ცვლილებებს საკანონმდებლო ორგანომ მხარი მესამე მოსმენით დაუჭირა.
ცნობისთვის, ცვლილება, რომელიც ადმინისტრაციულ სამართალდარღვევათა კოდექსის 125-ე მუხლის მე-8 ნაწილს ეხება, დაჩქარებული წესით მიიღეს, რადგან ცვლილების ამოქმედების შემდეგ, ისევ შემცირების შემთხვევაში, მერიას „სითი პარკისთვის“ კომპენსაციის გადახდა მოუწევდა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
