კახეთში მამამთილმა რძალი ცეცხლსასროლი იარაღით დაჭრა

2017-06-23 12:43:57, 2396 ნახვა

სამართალი

კახეთის მუნიციპალიტეტის სოფელ საბუეში, მამამთილმა რძალი ცეცხლსასროლი იარაღით დაჭრა.

როგორც „ექსპრესნიუსს“ შინაგან საქმეთა სამინისტროს საზოგადოებასთან ურთიერთობის სამსახურში განუცხადეს, მამაკაცი გაქცევას ცდილობდა, თუმცა იგი პოლიციამ დააკავა.

მათივე ცნობით, მომხდარზე გამოძიება სისხლის სამართლის კოდექსის 19-108-ე მუხლით მიმდინარეობს, რაც განზრახ მკვლელობას გულისხმობს.

„მამაკაცი შემთხვევის ადგილიდან გაქცევას შეეცადა, მაგრამ პოლიციამ დააკავა. არარეგისტრირებული სანადირო თოფი ნივთმტკიცებად არის ამოღებული“,-აცხადებენ შსს-ში.

თელავის რეფერალური საავადმყოფოს ხელმძღვანელის ზაზა კოპლატაძის განცხადებით, ქალბატონის ჯანმრთელობის მდგომარეობა მძიმეა.

შემთხვევა გუშინ მოხდა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან