აღსრულების ეროვნულმა ბიურომ საქმიანობის სპეციფიკა, სააღსრულებო პროცედურები, არა სააღსრულებო სერვისები და ბიუროში მიმდინარე სიახლეები ადვოკატებსა და ფინანსური სექტორის წარმომადგენლებს გააცნო. 

დამოუკიდებელმა ადვოკატებმა და საბანკო სექტორის წარმომადგენლებმა მიიღეს ვრცელი ინფორმაცია სააღსრულებო პროცედურებში განხორციელებულ ცვლილებებთან დაკავშირებით, მათ შორის, ბიუროს მიერ ახალ დანერგილი - ელექტრონული მაღაზიის თაობაზე, სადაც დაყადაღებული ნივთი მხარეთა თანხმობით, აუქციონის გამართვამდე, მისი საბაზრო ღირებულების 80 პროცენტად ელექტრონულ მაღაზიაში განთავსდება და მისი რეალიზაცია ონლაინ იქნება შესაძლებელი. 

ასევე საუბარი შეეხო ბიუროს ისეთ მნიშვნელოვან სერვისებს, როგორებიცაა: გადახდისუუნარობა, ფაქტების კონსტატაცია, გამარტივებული წარმოება. 

გაიმართა დისკუსია და დაფიქსირდა სხვადასხვა შენიშვნები და სიახლეების მიმართ დაინტერესება. საბანკო სექტორის წარმომადგენლებისა და ადვოკატების მხრიდან დაისვა არა ერთი კითხვა და გამოითქვა მოსაზრებები, ბიუროში განხორციელებულ ცვლილებებთან დაკავშირებით. 

შეხვედრა აღმასრულებელთა საერთაშორისო დღისადმი მიძღვნილი კვირეულის ფარგლებში გაიმართა. აღსრულების ეროვნულმა ბიურომ უკვე განახორციელა შეხვედრები სტუდენტებთან, მოსწავლეებთან, სამოქალაქო საზოგადოების სხვადასხვა ჯგუფებთან. 

შეხვედრების მიზანს წარმოადგენს, აღსრულების ეროვნული ბიუროს საქმიანობის სპეციფიკის გაცნობა, სერვისების შესახებ ცნობადობის ამაღლება და ურთიერთობების განმტკიცება. 

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თიბისი კაპიტალმა დიპლომატიური კორპუსისა და საერთაშორისო საფინანსო ინსტიტუტების წარმომადგენლებს მაკროეკონომიკური მიმოხილვა წარუდგინა

ირანი აცხადებს, რომ აშშ-ის საჰაერო თავდასხმების შედეგად 14 ადამიანი დაიღუპა

აი ჯი დეველოფმენტ ჯორჯიამ, გალტ & თაგარტის ექსკლუზიური მხარდაჭერით, 39.5 მილიონი აშშ დოლარის მწვანე ობლიგაციები განათავსა

კორეული პრემიუმ ბრენდი Manyo უკვე PSP-შია