2017-06-13 09:34:36, 1916 ნახვა
საზოგადოება
ზაზა ფაჩულია NBA-ს ჩემპიონია
ზაზა ფაჩულია ამერიკის ნაციონალური საკალათბურთო ასოციაციის 2016/17 წლების ლიგის ჩემპიონი გახდა.
მისმა გუნდმა „გოლდენ სტეიტმა“ სუპერფინალური სერიის მეხუთე შეხვედრაში „კლივლენდ კავალიერსი“ ანგარიშით 129-120 დაამარცხა, სერია 4:1 მოიგო და ჩემპიონის ტიტული ბოლო სამი წლის განმავლობაში მეორედ, ისტორიაში კი, მეხუთედ მოიპოვა (BAA: 1947, NBA: 1956, 1975, 2015, 2017).
ზაზა ფაჩულიამ პარკეტზე მხოლოდ 9 წუთი დაჰყო და მისმა მონაგარმა 3 მოხსნა და 1 შედეგიანი გადაცემა შეადგინა.
ცნობისთვის, ზაზა ფაჩულია საქართველოს ისტორიაში პირველი კალათბურთელია, რომელმაც ამერიკის ნაციონალური საკალათბურთო ასოციაციის საჩემპიონო ბეჭედი მოირგო.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
