დღეს კიდევ 100 ეკომიგრანტ ოჯახს სახლები დაუკანონდა.

ამის შესახებ ჟურნალისტებს  საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრმა სოზარ სუბარმა მთავრობის სხდომის დასრულების შემდეგ განუცხადა.

მისივე თქმით, ეკომიგრანტებისთვის სახლების დაკანონების პროგრამა ძალიან წარმატებით მიმდინარეობს:

„დღეს კიდევ 100 ეკომიგრანტ ოჯახს დავუკანონეთ სახლები. ეს არის პროგრამა, რომელიც დავიწყეთ გასული წლის შემოდგომაზე და გრძელდება ძალიან წარმატებით. ამ წუთისთვის დასაკანონებელი დარჩა დაახლოებით 500. რთული ობიექტები დარჩა, რადგან წლების განმავლობაში დაგროვილი პრობლემაა. მაგრამ მთლიანობაში პროცესი მიდის წარმატებით. ეკომიგრანტების თემა არის ის თემა, რომელიც ბოლო 4 წლის განმავლობაში ვითარდება ძალიან პოზიტიურად და ძალიან ბევრმა ადამიანმა მიიღო უკვე სახლი. არის ისეთი სოფელიც, რომელიც საბჭოთა პერიოდიდან მოყოლებული იყო მძიმე სტიქიური უბედურების ზონაში მოყოლილი და ეს პრობლემა არის მოხსნილი“,-განაცხადა სოზარ სუბარმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მთავრობამ რუსეთიდან დიზელის საწვავის ექსპორტი აკრძალა, ბენზინისა და თვითმფრინავის საწვავის შემდეგ

ნატოს ქვეყნები ორი წლის განმავლობაში უკრაინას 140 მილიარდი ევროს ოდენობის დახმარება გამოუყოფენ

ყოფილმა მთავარსარდალმა ზალუჟნიმ მოსაზრებას, რომ რუსეთმა ომი წააგო, „სახიფათო და არასწორი“ უწოდა

სააპელაციომ მკვლელობის მცდელობაში ბრალდებულს 17 წლით პატიმრობა მიუსაჯა