„ჩვენი პროტესტი უკავშირდება პოლიციელების უკანონო სპეცრაზმელების დევნას, ჩვენი პროტესტი უკავშირდება კახა ნაკანის უკანონო პატიმრობას“,-ამის შესახებ საპარალამენტო უმცირესობის წარმომადგენელმა  პავლე კუბლაშვილმა პლენარულის ხდომის შაჩლასთან დაკავშირებით განაცხადა.
მისივე თქმით, ეს იყო ერთგვარი პროტესტი იმის, რომ უმცირესობას აღნიშნულ  საკითხზე საზოგადოებისთვის  ხმა მიეწვდინა.
„ეს არ იყო არანაირი საბოტაჟი, ეს იყო  პროცედურული ომი, რომლის ერთადერთი მიზანი იყო პარლამენტის და საზოგადოების  ყურადღება მიგვეპყრო  კახა ნაკანისადმი. ეს არის პოლიციელი, სპეცდანიშნულების რაზმის  ხელმძღვანელი, რომელიც  არის დღეს წინასწარ პატიმრობაში,  ეს ადამიანი არის ივანიშვილის ხელისუფლების პირადი  პატიმარი. ამჟამად არის იმ დაწესებულებაში  სრულიად უკანონოდ,  შესაბამისად ჩვენი მიზანი იყო, რომ ამ საკითხთან დაკავშირებით საზოგადოების ყურადღება  მიგვექცია. სამწუხაროდ, პარლამენტის თავმჯდომარემ  ისიც  კი არ ისურვა ბოლომდე  მოესმინა ამ  საკითხთან დაკავშირებით. პროტესტი  უკავშირდება ამას,  პროტესტი უკავშირდება პოლიციელების  და სპეცრაზმელების უკანონო დევნას, პროტესტი უკავშირდება იმას, რომ ეს ადამიანი  უკანონოდ არის დღეს გლდანის ციხეში“,-განაცხადა კუბლაშვილმა.
ამასთან, როგორც  უმცირესობის წევრმა კოტე კუბლაშვილმა აღნიშნა, პარლამენტის თავმჯდომარე კახა ნაკანთან დაკავშირებულ საკითხს გაექცა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა