სამხედრო გადატრიალებაში მონაწილეობის ბრალდებით, თურქეთში საერთაშორისო უფლებადამცველი ორგანიზაციის Amnesty International-ის ადგილობრივი ოფისის ხელმძღვანელი ტანერ კილიჩი დააკავეს, - ამის შესახებ ორგანიზაციის მიერ გავრცელებულ განცხადებაშია ნათქვამი. 

როგორც განცხადებაშია აღნიშნული, ტანერ კილიჩთან ერთად, ორგანიზაციის თურქეთის წარმომადგენლობის კიდევ 22 თანამშრომელია დაკავებული.

შეგახსენებთ, რომ თურქეთში სახელმწიფო გადატრიალების მცდელობა 2016 წლის 16 ივლისს მოხდა, რის შედეგადაც 249 ადამიანი დაიღუპა, 2 ათასზე მეტი ადამიანი მძიმედ დაშავდა. აღნიშნულს მრავალი აქცია და დაკავებები მოჰყვა. თურქეთის ხელისუფლება მომხდარის ორგანიზებაში მუსლიმ მქადაგებელ ფეთჰულა გიულენს ადანაშაულებს. ამჟამად გიულენი აშშ-ში ცხოვრობს, ხოლო ამერიკა მის ექსტრადირებაზე უარს აცხადებს. თავად გიულენი ბრალდებებს უარყოფს. სამხედრო გადატრიალების მცდელობის შემდეგ თურქეთის ხელისუფლება სხვადასხვა ოპოზიციური გაზეთის თანამშრომლები და მთავარი რედაკტორები ამავე ბრალდებით დააკავა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სააკაშვილი - თემაში ჩვენი არა კეთილისმოსურნეებიც შემოვარდნენ და დაწერეს მიშა და ბიძინა ერთია, რასაც იტყვიან პარტია ემორჩილებაო

ტრამპი ჰორმუზის სრუტეში არსებული სიტუაციით კმაყოფილია

ალბანეთში კუშნერი-ტრამპის კურორტის წინააღმდეგ საპროტესტო აქციები ანტიკორუფციულ მოძრაობაში გადაიზრდა

საქართველოში 4.4 მაგნიტუდის სიმძლავრის მიწისძვრა მოხდა