საქართველოს შრომის, ჯანმრთელობისა და სოციალური დაცვის მინისტრმა დავით სერგეენკომ ახალი კამპანია სახელწოდებით - „ერთად დავამარცხოთ C ჰეპატიტი“ წამოიწყო.

ამის შესახებ მინისტრმა დღეს გამართულ პრესკონფერენციაზე განაცხადა.

კამპანიის ფარგლებში, ადამიანმა, რომელიც გამოწვევას მიიღებს, უნდა დაასახელოს სამი ძირითადი გზავნილი, თუ როგორ წარმოუდგენიათ C ჰეპატიტის დამარცხება.

ჯანდაცვის მინისტრმა აღნიშნულ კამპანიაში მთავრობის წევრები და ჯანდაცვის სამინისტროს პრესსამსახური გმაოიწვია.

სერგეენკომ პრესკონფერენციაზე საზოგადოებასთან ურთიერთობის სამსახურის უფროსს კამპანიაზე მუშაობა დაავალა.

„პროექტის განხორციელება სულ მალე დაიწყება და მიზანი იქნება ხარისხიანი და მიწვდომადი იყოს C ჰეპატიტიტს მკურნალობა და მინიმუმამდე იყოს დაყვანილი ახალი დაავადების შემთხვევები. არ მინდა ეს სიტყვა ვიხმარო „უპრეცედენტო“, მაგრამ გეტყვით, რომ მსოფლიოში მსგავსი პროექტი არავის განუხორციელებია. ჯანდაცვის სამინისტროს და მთავრობის ამ წლის შესასრულებელი ერთ-ერთი ძირითადი გეგმა იქნება, რომ C ჰეპატიტის შემთხვევები მინიმუმამდე დავიდეს“, - განაცხადა სერგეენკომ.

მისივე თქმით, აღნიშნული პროგრამის ფარგლებში, სამედიცინო დაწესებულებების, ტატუს და კოსმეტიკური სალონების კონტროლი განხორციელდება, რაც გულისხმობს, რომ შემოწმება მოხდება ყველა იმ ადგილის, სადაც ჰიგიენური ნორმები უნდა იყოს დაცული და საიდანაც, ძირითადად, C ჰეპატიტი ვრცელდება.

„მთავრობის ვალდებულება გახდება, რომ დაიწყოს აქტიური მუშაობა ყველა სამედიცინო დაწესებულების, ტატუს და კოსმეტიკური სალონების კონტროლზე, რათა მინიმუმამდე იყოს დაყვანილი დაავადების გავრცელების შემთხვევები. თუ არ იქნება პრევენცია, არ იქნება პროექტიც“, - განაცხადა ჯანდაცვის მინისტრმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ემანუელ მაკრონმა ვოლოდიმირ ზელენსკის მასსა და დონალდ ტრამპს შორის შეხვედრის ორგანიზება შესთავაზა

საქართველოს რკინიგზის ყოფილი ხელმძღვანელი დავით ფერაძე დააკავეს

საელჩო: დიდმა ბრიტანეთმა სანქციების ახალ პაკეტში შეიყვანა ხომალდი SILVAR, რომელიც წლის დასაწყისში საქართველოს პორტში იმყოფებოდა

„საქართველოს ბანკის“ წარმომადგენელმა NextGen Payments & RegTech Forum-ზე გამოცდილება გააზიარა