აზერბაიჯანელი ჟურნალისტის მეუღლესა და შვილს დაცვა დაენიშნათ

2017-06-05 16:11:03, 2203 ნახვა

სამართალი

აზერბაიჯანელი ჟურნალისტის აფგან მუხთარლის ოჯახის ადვოკატის არჩილ ჩოფიკაშვილის განცხადებით, მუხთარლის ოჯახის წევრებს დაცვა დაენიშნათ და განგაშის ზარის გამოყენების უფლება მიენიჭათ.

ამის შესახებ არჩილ ჩოფიკაშვილმა ძველი თბილისის პოლიციის პირველი სამმართველოდან გამოსვლის შემდეგ განაცხადა.

ჟურნალისტის ოჯახის წევრები და ადვოკატი იმ ორი მოწმის დაცვასაც ითხოვენ, რომლებიც შემთხვევამდე მუხთარლისთან ერთად იმყოფებოდნენ, თუმცა პოლიციას ამაზე გადაწყვეტილება ჯერ არ მიუღია.

ოჯახი ასევე საქმის გამოძიებას გენერალურ პროკურატურას სთხოვს, რადგან მათ აქვთ ეჭვი, რომ ჟურნალისტის აზერბაიჯანული მხარისთვის გადაცემაში ქართველი სამართალდამცავები მონაწილეობდნენ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან