2017-05-24 12:05:35, 1726 ნახვა
საზოგადოება
ლაშა თორდია ადასტურებს, რომ გავრცელებულ კადრებში ნამდვილად ის არის
სახელმწიფო აუდიტის სამსახურის უფროსი ლაშა თორდია ადასტურებს, რომ გავრცელებულ ვიდეო კადრებში ნამდვილად ის არის.
როგორც თორდიამ აღნიშნა, კადრები ფალიაშვილის ქუჩაზე მდებარე ერთ-ერთ ბარშია გადაღებული.
მისივე თქმით, ვიდეომასალა პროკურატურას ჰქონდა და მას შემდეგ გაავრცელა, რაც მასსა და ფარცხალაძეს შორის ინციდენტი მოხდა.
„მე ველოდი მსგავსი ვიდეომასალის გამოქვეყნებას მას შემდეგ, რაც ოთარ ფარცხალაძის მხრიდან გაისმა ბრალდებები. რაც შეეხება თავად ამ ბარში მომხდარ შემთხვევას, იქ არავინ დაზიანებულა, თუმცა მომხდარის ნიუანსებზე მოგვიანებით ვისაუბრებ. ეს კადრები გადაღებულია დიდი ხნით ადრე, თუმცა ახლა გამოაქვეყნეს“, - განაცხადა ლაშა თორდიამ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
