საქართველოს ოფიციალური ვიზიტით თურქეთის რესპუბლიკის პრემიერ-მინისტრი ბინალი ილდირიმი ეწვევა. 

თურქეთის პრემიერ-მინისტრის თვითმფრინავი თბილისის საერთაშორისო აეროპორტში დღეს, 20:00 საათზე დაეშვება.

23 მაისს, 09:45 საათზე, საქართველოს მთავრობის ადმინისტრაციაში თურქეთის პრემიერ-მინისტრის დახვედრის ოფიციალური ცერემონია გაიმართება.

თურქ კოლეგას საქართველოს მთავრობის მეთაური გიორგი კვირიკაშვილი უმასპინძლებს. პრემიერ-მინისტრების პირისპირ შეხვედრის შემდეგ, ორი ქვეყნის მაღალი დონის თანამშრომლობის საბჭოს სხდომა გაიმართება.

ხელი მოეწერება დოკუმენტებს საქართველოსა და თურქეთის მთავრობებს შორის სხვადასხვა სფეროში თანამშრომლობის შესახებ, რის შემდეგაც, 13:00 საათზე, დაგეგმილია პრემიერ-მინისტრების ერთობლივი პრესკონფერენცია.

ბინალი ილდირიმს გიორგი კვირიკაშვილი ოფიციალურ სადილზე უმასპინძლებს.

ოფიციალური ვიზიტის ფარგლებში, თურქეთის პრემიერ-მინისტრი ასევე საქართველოს პრეზიდენტს შეხვდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს