საქართველოს პრეზიდენტი გიორგი მარგველაშვილი მის აღმატებულება დოქტორ ჰასან როუჰანის ირანის ისლამური რესპუბლიკის პრეზიდენტად არჩევას ულოცავს

"თქვენო აღმატებულებავ, მსურს გულითადად მოგილოცოთ ირანის ისლამური რესპუბლიკის საპრეზიდენტო არჩევნებში გამარჯვება და წარმატება გისურვოთ თქვენს სახელმწიფოებრივ საქმიანობაში. დარწმუნებული ვარ, რომ თქვენი პრეზიდენტობა კვლავ გამორჩეული იქნება როგორც ირანის, ასევე ჩვენი რეგიონის კეთილდღეობის წინაშე არსებული გამოწვევების დასაძლევად.

მოხარული ვარ, რომ უკანასკნელ პერიოდში საქართველოსა და ირანს შორის ორმხრივი ურთიერთობები მნიშვნელოვნად განვითარდა, რაც პოზიტიურად აისახა ჩვენს ქვეყნებსა და ხალხებს შორის მეგობრული კონტაქტების განმტკიცებაზე. მტკიცედ მწამს, რომ თქვენი ხელმძღვანელობით ჩვენს ქვეყნებს შორის არსებული თანამშრომლობა და ისტორიული კავშირები კიდევ უფრო გაძლიერდება და გაღრმავდება ჩვენი ერების საერთო კეთილდღეობისათვის. იმედი მაქვს, უახლოეს პერიოდში მოგვეცემა შეხვედრისა და სამომავლო თანამშრომლობის პერსპექტივების განხილვის შესაძლებლობა.

თქვენო აღმატებულებავ, კიდევ ერთხელ გილოცავთ ამ გამარჯვებას და წარმატებას გისურვებთ თქვენს სამომავლო საქმიანობაში მეგობარი ირანელი ხალხის მშვიდობისა და კეთილდღეობისათვის", - აღნიშნულია საქართველოს პრეზიდენტის ოფიციალურ წერილში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს