გაერო-ში ამერიკის შეერთებული შტატების მუდმივი წარმომადგენლის ნიკი ჰაეილის განცხადებით, რუსეთი დასავლეთის ქვეყნების მხარეს უნდა დადგეს და სირიის პრეზიდნეტის ბაშარ ალ-ასადის რეჟიმის წინააღმდეგ უნდა გამოვიდეს, - ამის შესახებ Newspapers.com იუწყება,

ნიკე ჰეილის სირიის ხელისუფლება კაციბრიობის წინააღმდეგ ჩადენილი ქმედებების გამო დაადანაშაულმა.

გაეროში აშშ-ის ელჩმა შესაბამისი პასუხისმგებლობა რუსეთსა და ირანს დააკისრა.

„ასადის კრემატორიუმებში მასობრივი მკვლელობების მიმალვის მცდელობები მე-20 საუკუნის ყველაზე საშინელ დანაშაულებს გვახსენებს. მიუხედავად იმისა, რომ ასადს ეკისრება ძირითადი პასუხისმგებლობა ამ სისასტიკეზე, მძიმე ტვირთი ასევე ადევს მის მოკავშირეებს, რუსეთსა და ირანს. რუსეთი და ირანი ასადს საშუალებას აძლევენ გაიტაცოს, აწამოს და მოკლას ხალხი, სასამართლოსა და გამოძიების გარეშე. მთლიანად მსოფლიომ გაიაზრა თუ რა საშინელებებს აკეთებს სირიის რეჟიმი. დადგა დრო, რუსეთი შემოგვიერთდეს“, - ნათქვამია ნიკი ჰეილის განცხადებაში. 

BBC-ის ინფორმაციით, ამერიკის შეერთებული შტატების სახელმწიფო დეპარტამენტი თანამგზავრის მიერ გადაღებულ ფოტომასალას აქვეყნებს, სადაც უწყების მტკიცებით, სამხედრო ციხის კრემატორიუმია განთავსებული.

ამერიკელი დიპლომატების მოსაზრებით, კრემატორიუმი წამების მსხვერპლ ტყვეთა ცხედრების გასანადგურებლად და კვალის დასაფარად გამოიყენება. ახლო აღმოსავლეთის საკითხებში სახელმწიფო დეპარტამენტის წარმომადგენლის, სტუარტ ჯონსის განცხადებით, ამერიკამ არაერთხელ განაცხადა სირიის რეჟიმის მიერ ჩადენილ დანაშაულებზე.

სტუარტ ჯონსი რუსეთს მოუწოდებს, დაუყოვნებლივ ისარგებლოს გავლენით, რათა დასრულდეს ასეთი არაადამიანური მოპყრობა. აშშ ასევე თვითმხილველთა განცხადებებს ეყრდნობა, რომელთაც წამების შემდეგ საპყრობილისთვის თავის დაღწევა შეძლეს და ციხეში არსებულ სისასტიკესა და არაადამიანურ მოპყრობაზე ყვებიან. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს