დანიის, პოლონეთისა და შვედეთის საგარეო საქმეთა მინისტრები, მარტინ ლიდეგორდი, გჟეგოჟ სხეტინა და მარგოტ ვალსტრომი არასამთავრობო ორგანიზაციების წარმომადგენლებს შეხვდნენ. როგორც შეხვედრის დასრულების შემდეგ მესამე სექტორის  წარმომადგენლებმა განაცხადეს, შეხვედრაზე ნატო-სთან და ევროკავშირთან დაკავშირებით დეპუტატ გოგი თოფაძის განცხადებებზე ისაუბრეს და გამოთქვეს შეშფოთება, რომ მთავრობა  მსგავს განცხადებებზე შესაბამის ყურადღებას არ ამახვილებს. ასევე, საუბრის ერთ-ერთი თემა იყო ბიძინა ივანიშვილის განცხადებები არასამთავრობო სექტორთან დაკავშირებით და ის კრიტიკა, რომელსაც ყოფილი პრემიერ-მინისტრი მათ მიმართ გამოთქვამს. საგარეო საქმეთა მინისტრებმა კი განაცხადეს, რომ  ამ საკითხებს  მთავრობის წევრებთან დააყენებენ.
"ვისაუბრეთ იმ ანტიევროპულ დისკურზე, რომელიც ბოლო პერიოდში ისმის, მათ შორის ზოგიერთი თანამდებობის პირის მხრიდანაც და მის შესაძლო ძალიან ცუდ შედეგებზე საქართველოს ევროპული ინტეგრაციისთვის. მათ შორის იყო გოგი თოფაძის განცხადებაზე, და ზოგადად განცხადებები, რომლებიც ასევე არასამთავრობო სექტორის საქმიანობას უკავშირდებოდა.არაერთხელ არასამთავრობო სექტორი გახდა უსამართლო თავდასხმის მსხვერპლი, ისმის ძალიან საეჭვოდ კითხვები დაფინანსების და სხვა მიმართულებით, რაც დამახასიათებელი არ არის ევროპული ქვეყყნების კურსისთვის",-განაცხადა საია-ს თავმჯდომარე ანა ნაცვლიშვილმა.
ცნობისთვის, დანიის, პოლონეთისა და შვედეთის საგარეო საქმეთა მინისტრები, მარტინ ლიდეგორდი, გჟეგოჟ სხეტინა და მარგოტ ვალსტრომი  ოფიციალური ვიზიტით საქართველოს დღეს ეწვივნენ.სამმხრივ ფორმატში ეს სამი ქვეყნის საგარეო უწყების ხელმძღვანელთა პირველი  ერთობლივი ვიზიტია საქართველოში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა