„უკვე გამოვლინდა ძირითადი თემები, რომელიც საქართველოს კონსტიტუციურ ცვლილებებთან დაკავშირებით, ვენეციის კომისიის მუშაობაში ქვაკუთხედი იქნება“,-ამის შესახებ პრეზიდენტის საპარლამენტო მდივანმა ანა დოლიძემ „საზოგადოებრივ მაუწყებელს“ სტრასბურგში ვენეციის კომისიის წევრებთან გამართული შეხვედრის შემდეგ განუცხადა.

დოლიძის თქმით,  შეხვედრაზე საუბარი შეეხო პრეზიდენტის არჩევის წესს, საარჩევნო ბარიერს, საარჩევნო ბლოკებსა და კონსტიტუციაში ქორწინების დეფინიციას.  

"საუბარი შეეხო ქორწინების დეფინიციას, რომლის ევროპული სტანდარტი არ არსებობს და ქვეყანამ თავად უნდა აირჩიოს, ამ მიმართულებით რა ჩანაწერს გააკეთებს კონსტიტუციაში", - განაცხადა ანა დოლიძემ. 

ამასთან, დოლიძის განცხადებით, უახლოეს მომავალში ბერლინში  კონფერენცია გაიმართება, სადაც უფრო დეტალურად მოხდება საქართველოს კონსტიტუციის ახალი პროექტის განხილვა.

„შეხვედრაზე ყურადღება რამდენიმე საკითხზე გამახვილდა. საპარლამენტო მოდელზე გადასვლასთან დაკავშირებით, კრიტიკული მოსაზრებები არ გამოთქმულა, თუმცა ხაზგასმით აღნიშნა, რომ მმართველობის ასეთ მოდელზე გადასვლის შემთხვევაში, აუცილებელია, საპარლამენტო არჩევნების კანონმდებლობის დახვეწა'', - აღნიშნა საქართველოს პრეზიდენტის საპარლამენტო მდივანმა ანა დოლიძემ.

შეგახსენებთ, რომ პრეზიდენტის ადმინისტრაციის წარმომადგენლები ვენეციის კომისიის პრეზიდენტს და აღმასრულებელ მდივანს შეხვდნენ 

საქართველოს პრეზიდენტის საპარლამენტო მდივანი ანა დოლიძე და

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს

რას პასუხობს საზოგადოებრივი მაუწყებელი სინდისის პატიმრების მშობლებს ეთერის მოთხოვნაზე