2015-04-10 14:56:56, 644 ნახვა
საზოგადოება
აღდგომას მთელ საქართველოში გამოიდარებს
"აღდგომის ღამეს მოსალოდნელია წვიმა, აღდგომის დღეს კი, დაახლოებით, 11:00 საათიდან მთელ საქართველოში გამოიდარებს“, - ამის შესახებ „ექსპრესნიუსს“ გარემოს ეროვნული სააგენტოს მთავარმა სპეციალისტმა ლეილა მალაშიძემ განუცხადა.
მისივე ინფორმაციით, დასავლეთ საქართველოში ჰაერის ტემპერატურა ღამით + 3 - 8 გრადუსი იქნება, იქროლებს დასავლეთის ქარი 10- 15 მეტრი წამში, ხოლო დღისით +10 - 15 გრადუსია მოსალოდნელი.
აღმოსავლეთ საქართველოში ღამით ჰაერის ტემპერატურა + 1 - 6 გრადუსამდე დათბება, ხოლო დღისით +10 - 15 გრადუსი იქნება . იქროლებს დასავლეთის ქარი.
რაც შეეხება დედაქალაქს, თბილისში ღამით ტემპერატურა 4 გრადუსი, ხოლო დღისით 13 გრადუსი იქნება.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
