რუსი ბაიკერ-კლუბის „ღამის მგლების“ წევრები პოლონეთში არ შეუშვეს, - ამის შესახებ Tass იუწყება.

მედია საშუალების ინფორმაციით, ბაიკერები პოლონეთის ტერიტორიაზე ექსტრემისტულ ორგანიზაციასთან შესაძლო კავშირის გამო არ შეუშვეს.

საზღვრის გადაკვეთა მხოლოდ იმ ბაიკერებმა შეძლეს, რომლებსაც ევროკავშირის წევრი სახელმწიფოს პასპორტი ჰქონდათ.

აღსანიშნავია, რომ პოლონეთი უკვე მესამე წელია ბაიკერ-კლუბ "ღამის მგლების" წევრებს საკუთარ ტერიტორიაზე არ უშვებს. კლუბის ტური 27 აპრილს მოსკოვში დაიწყო. მოტოგარბენი ყოველწლიურად იმართება.

როგორც მედია წერს, "ღამის მგლები" კრემლის და პირადად ქვეყნის პრეზიდენტის, ვლადიმერ პუტინის მხარდაჭერით სარგებლობენ. 2011 წელს ვლადიმერ პუტინი ბაიკერების მსვლელობაში პირადად მონაწილეობდა.

ცნობისთვის, ე.წ ბაიკერთა კლუბი „ღამის მგლები„ 1989 წელს შეიქმნა, მათ რიგებში ირიცხება ჩეჩნეთის ლიდერი რამზან კადიროვი.

შეგახსენებთ, რომ მეორე მსოფლიო ომში გამარჯვების დღესთან დაკავშირებით, 9 მაისს, რუსი ბაიკერების კლუბის "ღამის მგლების" წევრები საქართველოში ჩამოსვლას ისევ გეგმავენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა

ნავროცკიმ ზელენსკის მიმართა „თეთრი არწივის“ სკანდალის ფონზე