ოკუპირებული სამხრეთ ოსეთის ახლადარჩეული დე-ფაქტო პრეზიდენტის ანატოლი ბიბილოვის განცხადებით, ალბათობა იმისა, რომ ოკუპირებული ცხინვალი რუსეთის შემადგენლობაში შევა "ასპროცენტიანია", - ამის შესახებ ანატოლი ბიბილოვმა BBC-სთან ინტერვიუში განაცხადა.

"მოლოდინი იმისა, რომ სამხრეთ ოსეთი რუსეთის შემადგენლობაში შევა არის 100-პროცენტიანი. 3 წელიწადში ჩვენ შეგვეძლება იმის თქმა, რომ გავიდა 100 წელი მას შემდეგ რაც ოსუ ხალხი განცალკევდა. აუცილებელია, რომ ის ისტორიული უსამართლობა, რომელსაც დღეს აქვს ადგილი აღმოიფხვრას. მიერთება მხოლოდ იმ შემთხვევაში იქნება შესაძლებელი, თუ ის რუსეთთან მიერთებას გულისხმობს და პარალელურად მოხდება სამხრეთ და ჩრდილოეთ ოსეთის გაერთიანებაც. ამ საკითხის განხილვა ჩემი მოსკოვში ოფიციალური ვიზიტის დროს მოხდა", - აღნიშნა ბიბილოვმა.

ცნობისთვის, დე-ფაქტო საპრეზიდენტო არჩევნებში ე.წ პარლამენტის სპიკერმა ანატოლი ბიბილოვმა გაიმარჯვა. ბიბილოვის გარდა, კენჭს მოქმედი ე.წ პრეზიდენტი ლეონიდ თიბილოვი და "კე-გე-ბე"-ს თანამშრომელი ალან გაგლოევი იყრიდნენ.

შეგახსენებთ, რომ 9 აპრილს ოკუპირებულ რეგიონში დე-ფაქტო საპრეზიდენტო არჩევნები გაიმართა. "არჩევნების" გარდა, ოკუპირებულ სამხრეთ ოსეთში ე.წ რეფერენდუმიც ჩატარდა, სახელის შეცვლასთან დაკავშირებით.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია