ეროვნული არქივის წარმომადგენელი საერთაშორისო კონფერენციაში მონაწილეობდა

2017-04-13 11:51:21, 1592 ნახვა

საზოგადოება

საქართველოს იუსტიციის სამინისტროს ეროვნული არქივის საისტორიო ცენტრალური არქივის დირექტორმა ანტონ ვაჭარაძემ სლოვენიაში მონაწილეობა მიიღო, ქალაქ რადენცში გამართულ საერთაშორისო კონფერენციაში „ტექნიკური პრობლემები ტრადიციულ და ელექტრონულ არქივებში".

კონფერენციის თემები საარქივო მეცნიერების თეორიული და პრაქტიკული საფუძვლები, კვლევა, სტანდარტები, პრაქტიკა, პროექტები და პროგრამები იყო.

ანტონ ვაჭარაძე ღონისძიებაზე მოხსენებით წარსდგა „ციფრული არქივის აღწერა (საქართველოს ეროვნული არქივის, საისტორიო არქივის პრაქტიკული გამოცდილება)''.

თემა გაეროს ჟენევის ოფისიდან საქართველოში ციფრული ასლების სახით გადმოცემულ, ხარიტონ შავიშვილის პირადი ფონდის აღწერას შეეხებოდა.

სამდღიან კონფერენციაში 15-მდე ქვეყნის 50-მდე არქივისტი მონაწილებდა.

(NS)

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან