იუსტიციის უმაღლესი საბჭოს წევრობის კანდიდატების ვინაობა ცნობილია

2017-04-08 14:49:04, 2580 ნახვა

სამართალი

მართლმსაჯულების სახლში საქართველოს მოსამართლეთა მე-20 რიგგარეშე კონფერენცია მიმდინარეობს.

კონფერენციაზე იუსტიციის უმაღლესი საბჭოს ორი წევრი და მოსამართლეთა კონფერენციის ადმინისტრაციული კომიტეტის ერთი წევრი უნდა აირჩიონ.

უმაღლესი საბჭოს წევრობის კანდიდატების ვინაობა უკვე ცნობილია - მერაბ ნადარაია და გიორგი მიქაუტაძე. ხმის მიცემის პროცედურა ცოტა ხანში დაიწყება.

კონფერენციაზე მოსამართლეებს უზენაესი სასამართლოს, იუსტიციის უმაღლესი საბჭოს თავმჯდომარე ნინო გვენეტაძემ მართლმსაჯულების სტრატეგიისა და სამოქმედო გეგმის პროექტი წარუდგინა.

კონფერენცია უკვე 2 საათია მიმდინარეობს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან