„მე ვცდილობ პარლამენტში ხალხის აზრი წარმოვადგინო, არ ვარ არცერთი პარტიის პრეზიდენტი“,-ამის შესახებ საქართველოს პრეზიდენტმა გიორგი მარგველაშვილმა პარლამენტში სიტყვით გამოსვლისას განაცხადა.

პრეზიდეტის თქმით, ხალხის გაჭირვებას სტატისტიკით ვერ უპასუხებს.

„თავიდანვე მოგახსენეთ, რომ მიზნად არ გამიხდია მხარი დამეჭირა არცერთი ხელისუფლების წარმატებებისთვის ან ზედმეტად გამეკრიტიკებინა  ის რაც გაკეთდა. მე მოგაწოდეთ საზოგადოების შეხედულებები, ხალხის აზრი  და ხალხს აქვს პრობლემები. მიუხედავად იმ სტატისტიკური მონაცემებისა, რომელთა სიზუსტეზე მე ახლა არ ვიდავებ, კარგი იქნება საზოგადოებას გაესაუბროთ და იმ  გასაჭირს პირდაპირ შეხედოთ თვალებში, რომელიც მე თქვენამდე აქ მოვიტანე და რომელიც აქ დაგიფიქსირეთ  და რომლის შინაარსიც  შემდეგშია, ხალხს უჭირს, არის პრობლემები, მათ ესმით წარმატებებიც, მაგრამ არის სერიოზული გასაჭირიც და ამ გასაჭირთან დაკავშირებით მათ უნდათ ამის გაზიარება და მათ სჭირდებათ თქვენი ყურადღება. ამ თვალსაზრისით მე იმ ძალიან ხშირ  შეხებაში, რომელიც მაქვს საზოგადოებასთან  ვხედავ ბევრ გაჭირვებას და მე ამ გაჭირვებას ვერ ვუპასუხებ  იმ სტატისტიკით, მითუმეტეს სტატისტიკით, რომელიც რატომღაც  ედრება 2012 წელს“,-განაცხადა პრეზიდენტმა.

როგორც პრეზიდენტმა აღნიშნა, "უცნაურია იმის მოსმენა, რომ  „თურმე 2012 წლის მერე გარკვეული ცვლილებებია მიღწეული“.

„ცოტა საინტერესო იყო ჩემთვის იმის მოსმენა, რომ  თურმე 2012 წლის მერე  გარკვეული ცვლილებები არის მიღწეული.  რა თქმა უნდა მიღწეულია, გარკვეული წინ გადადგმული ნაბიჯებია. უცნაურია მე როდესაც მახსენებენ ამას, ადამიანები, რომლებიც ძალიან ხშირად არ მინახავს ხელისუფლების  კრიტიკოსებად 2012 წლამდე. ამაზე ძალიან საინტერესოდ ილაპარაკა ქალბატონმა ინაშვილმა. მე რატომ მახსენებთ 2012 წელს ან რატომ ედრებით  2012 წელს ?  საზოგადოების წინაშე დღეს არის პრობლემები და ეს პრობლემები  დღეს არის გადასაჭრელი. ამ პრობლემებს უნდა გაუსწოროთ თვალი.  მე მესმის გაღიზიანება იმასთან დაკავშირებით, რომ მე თქვენ ამ პრობლემებს გიზიარებთ, მაგრამ ამავე დროს  უნდა ვიცოდეთ, რომ ეს სირთულეები  გადასაჭრელია“,-განაცხადა პრეზიდენტმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია