ეროვნულ ბიბლიოთეკაში ხვალ „მზის შვილების“ ნახატების გამოფენა გაიხსნება

2017-03-28 18:03:09, 1477 ნახვა

საზოგადოება

ხვალ, 19:00 საათზე, ეროვნული ბიბლიოთეკის საკონფერენციო დარბაზში, „თავისუფალი ხელოვნების სტუდიაში“ (Free Art Studio) შექმნილი სხვადასხვა პროფესიისა და ასაკის მოყვარულ მხატვართა გამოფენა გაიხსნება.

გაერო-ში საქართველოს ახალგაზრდობის წარმომადგენლის თათია დოლიძის ინიციატივით, საგამოფენო სივრცეში საპატიო ადგილი დაეთმობა „მზის შვილების“ ნახატებს, რომლებიც ამ პატარებმა გაერო-ს მიერ დაწესებულ დაუნის სინდრომის დღეს, 21 მარტს, „თავისუფალი ხელოვნების სტუდიაში“ სტუმრობისას შექმნეს.

გამოფენაში სპეციალური მოწვევით დაუნის სინდრომის მქონე ახალგაზრდა მხატვარი ლექსო ფოდიაშვილიც მიიღებს მონაწილეობას.

დაინტერესებულ პირებს ნახატების უმრავლესობის შეძენაც შეეძლებათ. ღონისძიებას მუსიკალურად მევიოლინე მარიამ მამადაშვილი გააფორმებს. გაიმართება ვიქტორინა და გათამაშდება პრიზები.

გამოფენა 31 მარტის ჩათვლით გაგრძლედება.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან