საქართველოს საინვესტიციო პოტენციალზე, მიღწევებზე და შესაძლებლობებზე ეკონომიკისა და მდგრადი განვითარების მინისტრის მოადგილემ, გიორგი ჩერქეზიშვილმა საერთაშორისო ფორუმზე „საქართველოს ეკონომიკა: პერსპექტივები და გამოწვევები“ ისაუბრა.

გიორგი ჩერქეზიშვილმა ღონისძიების მონაწილეებს საქართველოს ეკონომიკური ზრდის მაჩვენებლები და  გასული წელს საქართველოში შემოსული ინვესტიციების შესახებ დეტალური ინფორმაცია გააცნო. მისი განცხადებით,  წინასწარი მონაცემებით,  2016 წელს საქართველოში განხორციელებული პირდაპირი უცხოური ინვესტიციების მოცულობამ 1, 6 მილიარდ  (1,645 მლნ.) აშშ დოლარზე მეტი შეადგინა, რაც 22%-ით აღემატება 2015 წლის წინასწარ მონაცემებს, ხოლო 5%-ით ამავე წლის დაზუსტებულ მონაცემებს. 2016 წელს ასევე მნიშვნელოვნად არის გაზრდილი რეინვესტიციების ოდენობა და ის პირდაპირი უცხოური ინვესტიციების საერთო რაოდენობის 32%-ს შეადგენს.

პრეზენტაცია, რომელიც მინისტრის მოადგილემ ფორუმის პანელურ სესიაზე წარმოადგინა, ასევე ეხებოდა  საქართველოს ეკონომიკური ზრდის მაჩვენებლებსა და დინამიკას. გიორგი ჩერქეზიშვილის განცხადებით, 2017 წლის იანვარში ეკონომიკურმა ზრდამ  5.2 %, შეადგინა, რაც ერთ-ერთი ყველაზე მაღალი მაჩვენებელია ბოლო პერიოდის განმავლობაში. მინისტრის მოადგილის განცხადებით, ეკონომიკური ზრდის ტენდენცია მომავალ თვეებშიც შენარჩუნდება, რასაც საერთაშორისო საფინანსო ორგანიზაციებიც ეთანხმებიან. როგორც ჩერქეზიშვილმა აღნიშნა,  2016 წელს ზრდა დაფიქსირდა ტრანსპორტისა და კომუნიკაციების, ენერგეტიკის, ფინანსურ და სამშენებლო სექტორებში. 2017 წლის იანვარში ასევე  დიდი ზრდა იყო ექსპორტშიც.

პანელურ სესიაზე ეკონომიკის მინისტრის მოადგილემ ასევე ისაუბრა სხვა მნიშვნელოვან საკითხებზეც, მათ შორის ტურიზმის ზრდის რეკორდული მაჩვენებლების, საბანკო და საფინანსო სექტორის განვითარების, დაბალი გადასახადებისა და მიმზიდველი საინვესტიცო გარემოს შესახებ, რასაც, მისი თქმით, სხვადასხვა საერთაშორისო რეიტინგებში საქართველოს გაუმჯობესებული პოზიციებიც ადასტურებს.  გიორგი ჩერქეზიშვილმა ფორუმის ორგანიზატორებს მადლობა გადაუხადა და აღნიშნა, რომ ასეთი ღონისძიებები ძალიან მნიშვნელოვანია საქართველოს საინვესტიციო შესაძლებლობების კიდევ უფრო წარმოჩენისა და  ქვეყანაში მნიშვნელოვანი პროექტების განხორციელების ხელშეწყობისთვის. 

ბიზნეს ინფორმაციის სააგენტოს მიერ ორგანიზებულ ფორუმს საქართველოს მთავრობისა და საერთაშორისო საფინანსო ორგანიზაციების წარმომადგენლები, ასევე უცხოელი და ქართველი ინვესტორები ესწრებოდნენ.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

PASHA Bank-ის IPO აზერბაიჯანში - თიბისი კაპიტალი ტრანზაქციის ექსკლუზიური ფინანსური მრჩეველი იყო

სტრასბურგის სასამართლომ ე.წ. FARA-ს და გრანტების კანონზე კომუნიკაციის ეტაპი დაიწყო

ვენესუელაში მიწისძვრის შედეგად დაღუპულთა რიცხვი 235-მდე გაიზარდა, 50 000 დაკარგულად ითვლება

კობახიძე: კორუფცია ხელისუფლების ზედა ეშელონებში პრინციპულად აღმოფხვრილი, დამარცხებულია