თბილისის N170-ე საჯარო ბაგა-ბაღს სამი ახალი ჯგუფი დაემატა.

როგორც „ექსპრესნიუსს“ თბილისის მერიიდან აცნობეს,  გარემონტდა და მოეწყო  200 მ/კ-მდე წლების განმავლობაში შენობის აუთვისებელი ფართი.

მათივე ინფორმაციით, ახალი ჯგუფების გახსნის შედეგად, ბაღში აღსაზრდელების რაოდენობა  105-ით გაიზრდა, დამატებით კი 13 ადამიანი დასაქმდა.

სამივე სააღმზრდელო ჯგუფისთვის ინდივიდუალურად მოეწყო საპირფარეშოები, გასახდელი ოთახები და სამზარეულო კუთხეები. ჯგუფები აღიჭურვა ახალი ავეჯით, სათამაშოებითა და სხვა სააღმზრდელო საჭიროების ინვენტარით.

ახალი ჯგუფები დღეს თბილისის ბაგა-ბაღების სააგენტოს მართვის ხელმძღვანელმა თემურ თორდინავამ დაათვალიერა და სააღმზრდელო პროცესს გაეცნო.

„ინფრასტრუქტურის გაუმჯობესების თვალსაზრისით, ჩვენ სამი წელია ორი კონკრეტული მიმართულებით ვმუშობთ - ვაშენებთ ახალ ბაღებს და მაქსიმალურად ვითვისებთ მოქმედ ბაღებში წლების განმავლობაში გამოუყენებელ ფართს.  ჯგუფების დამატებით, გარდა იმისა, რომ უფრო მეტ ბავშვს ეძლევა საშუალება სკოლამდელი განათლების მიღების, ასევე,  გადატვირთული ჯგუფების განტვირთვაც ხდება“,-განაცხადა თემურ თორდინავამ.

2014 წლის სექტემბრიდან დღემდე, თბილისის ბაგა-ბაღების მართვის სააგენტოს მიერ, სარემონტო სამუშაოებისა და დამატებითი ჯგუფების გახსნის შედეგად, ბაღებში 4 200 აღსაზრდელი დარეგისტრირდა.   

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თურქეთში ნატოს სამიტის წინ ჟურნალისტებისა და მასწავლებლების მასობრივი დაპატიმრებები მოხდა

ერთი ზეიმი, განსხვავებული კრიტიკა: კლინტონი, ბუში და ობამა აშშ-ში დემოკრატიის კრიზისზე საუბრობენ

როიტერი: ტრამპი ზელენსკის თურქეთში ნატოს სამიტის ფარგლებში შეხვდება

საწვავის კრიზისის ფონზე, ტრანსბაიკალიის მაცხოვრებლებს ჩინეთში საწვავის შევსებას სთავაზობენ.