2017-03-08 17:08:48, 2873 ნახვა
მსოფლიო
ქაბულში, სამხედრო ჰოსპიტალზე თავდასხმას 30-ზე მეტი ადამიანი ემსხვერპლა
ავღანეთის დედაქალაქ ქაბულში, ამერიკის შეერთებული შტატების საელჩოს შენობასთან ახლოს მდებარე სამხედრო ჰოსპიტალზე თავდასხმას 30-ზე მეტი ადამიანის სიცოცხლე ემსხვერპლა, - ამის შესახებ BBC იუწყება.
მედია საშუალების ინფორმაციით, აფეთქების შემდეგ, შეიარაღებულმა პირებმა კლინიკაში სროლა დაიწყეს და ხელყუმბარა ისროლეს.
საავადმყოფოს თანამშრომლების თქმით, ერთ-ერთ თავდამსხმელს თეთრი კვართი ეცვა, რომელმაც პაციენტი და საავადმყოფოს ერთი თანამშრომელი მოკლა.
ამ დროისთვის, ტერიტორიაზე სპეციალური ძალების თანამშრომლები იმყოფებიან.
თავდასხმაზე პასუხისმგებლობა "ისლამურმა სახელმწიფომ" აიღო.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
