ეგვიპტის უმაღლესმა სააპელაციო სასამართლომ ქვეყნის ყოფილი პრეზიდენტი მოჰამედ ჰოსნი მუბარაქი, 2011 წლის საპროტესტო აქციების დროს ასობით დემონსტრანტის მკვლელობის საქმეში გაამართლა, - ამის შესახებ Aljazeera იუწყება.

მედია საშუალების ინფორმაციით, სასამართლომ დემონსტრაციების დროს დაღუპულთა ნათესავების შუამდგომლობა უარყო. ისინი ითხოვდნენ, სამოქალაქო სარჩელებზე წარმოება განახლებულიყო, რომლებიც მათ მუბარაქთან დაკავშირებით შეიტანეს.

როგორც მედია წერს, ჰოსნი მუბარაქი ბოლო რამდენიმე წელია, ჯანმრთელობის გაუარესების გამო, სამხედრო საავადმყოფოში იმყოფება. ამის მიუხედავად, ის დღევანდელ სასამართლო სხდომას დაესწრო, სასამართლოში ის ვერტმფრენით გადაიყვანეს.

ცნობისთვის, მუბარაქს სამუდამო პატიმრობა ჰქონდა მისჯილი.

შეგახსენებთ, რომ მუბარაქს დაახლოებით 900 მომიტინგის მკვლელობა ედებოდა ბრალად. 18 დღიანი საპროტესტო აქციები 2011 წლის 11 თებერვალს დასრულდა, როდესაც მუბარაკი თანამდებობიდან გადადგა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია