პრეზიდენტის პრესსპიკერის ეკა მიშველაძის განცხადებით, ის აქ იმყოფება როგორც ერთი მოქალაქე და ჟურნალისტი, რომელიც უკიდურესად შეშფოთებულია სასამართლოს დღევანდელი გადაწყვეტილებით.

როგორც ეკა მიშველაძემ "რუსთავი 2"-ის შენობის წინ მიმდინარე საპროტესტო აქციაზე განაცხადა, პროცესები ბევრად ადრე დაიწყო, მედიამოსუფთავება, ახლა ჯერი რუსთავი 2-ზე მიდგა, რაც ხელისუფლების სასარგებლოდ დასრულდა. 

"მე აქ ვარ ჟურნალისტი, რომელსაც რამდენიმე ხნის წინ გადაცემა დაუხურეს და ძალიან შეწუხებული ვარ უზენაესი სასამართლოს მიერ მიღებული გადაწყვეტილებით. აქ ერთადერთი გამოსავალი არის ჩვენი, ჟურნალისტების და საზოგადოების სხვადასხვა წარმომადგენლების სოლიდარობა. სოლიდარულ ხალხს ვერც ხელისუფლება და ვერც მისი არაკეთილიმოსურნე ვერაფერს ვერ უზამს, ამიტომ მე იმედი მაქვს, რომ ხალხი დაუდგება რუსთავი 2-ს გვერდით", - განაცხადა ეკა მიშველაძემ.

მისი თქმით, ეს პოზიცია არ არის პრეზიდენტის. ეს არის მისი კერძო, როგორც ჟურნალისტის პოზიცია. მანვე დასძინა, რომ პრეზიდენტის პოზიცია მოგვიანებით გახდება ცნობილი.

ცნობისთვის, "რუსთავი 2"-ის შენობასთან ტელეკომპანიის მხარდამჭერი აქცია მიმდიანრეობს. შეკრებილები უზენაესი სასამართლოს გადაწყვეტილებას აპროტესტებენ. 

შეგახსენებთ, "რუსთავი 2"-ის საქმეზე უზენაესმა გადაწყვეტილება გამოიტანა. გადაწყვეტილების თანახმად, ტელეკომპანიის 60%-ის წილის მესაკუთრედ ცნობილ იქნა ქიბარ ხალვაში, ხოლო 40%-ის შპს „პანორამა“.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”