ავღანეთში, ჰელმანდის პროვინციის ქალაქ ლაშქარ გაში, თვითმკვლელმა ტერორისტმა 7 ადამიანის სიცოცხლე იმსხვერპლა, - ამის შესახებ Reuters ოფიციალურ უწყებებზე დაყრდნობით იუწყება.

მედია საშუალების ინფორმაციით, აფეთქების შედეგად კიდევ 20 ადამიანი მძიმედ დაშავდა.

როგორც სააგენტო წერს, აფეთქება მაშინ მოხდა, როდესაც ავღანეთის სამხედრო მანქანა ბანკთან ახლოს იმყოფებოდა.

Reuters-ის ცნობით, გარდაცვლილთა შორის 4 სამოქალაქო და 3 სამხედრო პირია, ხოლო 16 სამოქალაქო პირი და 4 ჯარისკაცი დაშავდა.

მომხდარზე პასუხისმგებლობა ჯერჯერობით არცერთ ტერორისტულ დაჯგუფებას არ აუღია, თუმცა ჰელმანდის პროვინციის დიდ ნაწილს თალიბანი აკონტროლებს და ქალაქ ლაშქარ გას ხშირად ემუქრება.

ცნობისთვის, ჰელმანდის პროვინციაში ნატოს მისიის ფარგლებში, ავღანელი სამხედროების დასახმარებლად და გასაწვრთნელად საერთაშორისო ძალებია განლაგებული.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია