2017-02-10 09:07:21, 1580 ნახვა
პოლიტიკა
„გაზპრომთან“ დადებული ხელშეკრულების თაობაზე პოლიტიკური დებატების დანიშვნის საკითხზე პარლამენტში იმსჯელებენ
დღეს პარლამენტში პოლიტიკური დებატების გამართვის საკითხზე იმსჯელებენ.
დებატებს კომპანია „გაზპრომთან“ დადებულ ხელშეკრულებასთან დაკავშირებით მოძრაობა თავისუფლებისთვის - ევროპული საქართველო ითხოვს.
პარტიის წევრების აზრით, ეკონომიკურად და პოლიტიკურად წამგებიან დოკუმენტზე მსჯელობა აუცილებელია.
ინიციატივას მხარს უჭერენ სხვა ოპოზიციური პარტიები. „ნაციონალურ მოძრაობას“ გაზპრომთან დადებულ ხელშეკრულებასთან დაკავშირებით რეზოლუციაც აქვს მომზადებული.
დაკმაყოფილდება თუ არა საპარლამენტო უმცირესობის მოთხოვნა, დღეს გადაწყდება.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
