„ეს არ არის საბოლოო წერტილი, ჩვენი მიზანია სრული ინტეგრაცია ევროპულ სტრუქტურებში“,-ამის შესახებ პარლამენტის თავმჯდომარემ ირაკლი კობახიძემ პარლამენტის საგაზაფხულო სესიის გახსნაზე განაცხადა.

როგორც კობახიძემ აღნიშნა, ევროპარლამენტის მიერ მიღებული გადაწყვეტილებით ხელშესახები გახდება  ყველა ის სიკეთე საქართველოს  მოქალაქეებისთვის, რომელიც  დაკავშირებულია  ევროპულ ინტეგრაციასთან.

 „მინდა კიდევ ერთხელ ვისარგებლო შემთხვევით და მოგილოცოთ ის მიღწევა, რომელიც დაკავშირებულია ვიზალიბერალიზაციასთან. ეს არის მართლაც ძალიან დიდი მიღწევა ჩვენი ქვეყნის, ეს არის ჩვენი ქვეყნის თითოეული მოქალაქის მიღწევა, ეს არის ჩვენი ხელისუფლების მიღწევა, ეს არის აქ მჯდომი თითოეული ადამიანის მიღწევა. კიდევ ერთხელ მოგილოცავთ ევროპარლამენტის მიერ მიღებულ გადაწყვეტილებას. ამ გადაწყვეტილებით ნამდვილად ხელშესახები გახდება  ყველა ის სიკეთე ჩვენი მოქალაქეებისთვის, რომელიც არის დაკავშირებული  ევროპულ ინტეგრაციასთან. აქვე მინდა აღვნიშვნო, რომ ეს არ არის რა თქმა უნდა ჩვენთვის ბოლო წერტილი. ამ მიმართულებით ჩვენი მთავარი მიზანი გახლავთ რა თქმა უნდა სრული ინტეგრაცია ევროპულ სტრუქტურებში  და დარწმუნებული ვარ, რომ ჩვენი ერთობლივი ძალისხმევით ეს მიზანიც იქნება აუცილებლად უახლოეს მომავალში მიღწეული“,-განაცხადა ირაკლი კობახიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა