16 წელს მიუღწეველთან სქესობრივი კავშირის  დამყარებაში ბრალდებულ  თერჯოლის N1 საჯარო სკოლის ყოფილ მანდატურს სასამართლომ აღკვეთის ღონისძიების სახით, 10 000 ლარიანი გირაო შეუფარდა. 

პროკურატურა მისთვის  პატიმრობის  გამოყენების ითხოვდა, თუმცა აღნიშნული შუამდგომლობა  არ დაკმაყოფილდა.

 ყოფილ მანდატურს  ბრალი საქართველოს სისხლის სამართლის კოდექსის 140-ე მუხლით  აქვს წაყენებული, რაც 16 წელს მიუღწეველთან   წინასწარი შეცნობით სქესობრივ კავშირს გულისხმობს.

„გამოძიებით დადგინდა, რომ თერჯოლის N1 საჯარო სკოლის მანდატურმა კ. ფ.-მ 2016 წლის სექტემბრის დასაწყისში, მეზობელი და იმავე სკოლის მოსწავლე, 15 წლის გოგონა სოციალური ქსელის საშუალებით შეხვედრაზე დაითანხმა და დაუსახლებელ ადგილზე, მასთან დაამყარა სქესობრივი კავშირი. სამართალდამცველებმა კ. ფ. სასამართლოს განჩინების საფუძველზე დააკავეს. პროკურატურამ მისთვის აღკვეთის ღონისძიების სახით დაპატიმრების გამოყენების მოთხოვნით სასამართლოს უკვე მიმართა“,-ნათქვამია მთავარი პროკურატურის მიერ გავრცელებულ ინფორმაციაში.

ბრალის დამტკიცების შემთხვევაში, ყოფილ მანდატურს შვიდიდან - ცხრა წლამდე თავისუფლების აღკვეთა ემუქრება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროსაბჭოს საპარლამენტო ასამბლეამ საქართველოზე კრიტიკული რეზოლუცია მიიღო

კომერსანტი: კრემლში თქვეს, რომ ე.წ. სამხრეთ ოსეთის სტატუსის გადაწყვეტის დრო დადგა

გიორგი გახარია: ქართული ოცნება ოკუპანტ სახელმწიფოსთან კოლაბორაციონიზმის ღია დემონსტრირებას ახდენს

ედიტე ესტრელა: საქართველოში დემოკრატიული უკუსვლა გაგრძელდა, ასამბლეის არცერთი სასწრაფო რეკომენდაცია არ განხორციელებულა