სიჩქარის გადაჭარბებაზე, არასწორ მანევრირებასა და მანქანის ალკოჰოლის ზემოქმედების ქვეშ მართვაზე სანქციები შესაძლოა, კიდევ გამკაცრდეს.

როგორც საპარლამენტო უმრავლესობის ლიდერმა არჩილ თალაკვაძემ განაცხადა, საგზაო მოძრაობის უსაფრთხოების სფეროში რეფორმის  პაკეტის განხილვა საგაზაფხულო სესიის დაწყებისთანავე იგეგმება.

„ადმინისტრირება შესაძლოა გამკაცრდეს ისეთ დარღვევებზე, რომელიც ავარიების ხშირი მიზეზია (სიჩქარის გადაჭარბება, არასწორი მანევრირება, ალკოჰოლის ზემოქმედების ქვეშ მართვა და სხვა). მოხდება მართვის მოწმობის გამოცდის გადატანა რეალურ მოძრაობაში, რაც მართვის მოწმობას გახდის უფრო საიმედოს და მძღოლების საწყის კვალიფიკაციას უფრო მაღალს”, -აღნიშნა თალაკვაძემ.

თალაკვაძის განმარტებით, საჭიროა საგზაო ნიშნების,  უსაფრთხოების ძირითადი წესების დაცვა და  ღვედის გამოყენება.

 „ეს ელემენტარული წესები ხშირად, სიცოცხლის და ჯანმრთელობის დაცვის ტოლფასია და ამის შესახებ რაც შეიძლება მეტ ადამიანს უნდა მივაწოდოთ ინფორმაცია. ეს იქნება კარგად დაგეგმილი და წარმატებული რეფორმა, რომელიც პარლამენტის, მთავრობის და არასამთავრობო ორგანიზაციების ერთობლივი ძალისხმევით განხორციელდება და უკვე ერთ წელიწადში შედეგებს მოგვცემს, ბევრი ადამიანის სიცოცხლეს გადაარჩენს, ბევრის ჯანმრთელობას დაიცავს და მოძრაობას უფრო უსაფრთხოს გახდის“,-დასძინა თალაკვაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროსაბჭოს საპარლამენტო ასამბლეამ საქართველოზე კრიტიკული რეზოლუცია მიიღო

კომერსანტი: კრემლში თქვეს, რომ ე.წ. სამხრეთ ოსეთის სტატუსის გადაწყვეტის დრო დადგა

გიორგი გახარია: ქართული ოცნება ოკუპანტ სახელმწიფოსთან კოლაბორაციონიზმის ღია დემონსტრირებას ახდენს

ედიტე ესტრელა: საქართველოში დემოკრატიული უკუსვლა გაგრძელდა, ასამბლეის არცერთი სასწრაფო რეკომენდაცია არ განხორციელებულა