სამუშაო ჯგუფში საუბარი იყო, რომ სიტყვისა და აზრის გამოხატვის თავისუფლების სტანდარტმა დაიწიოს,  - ამის შესახებ ფრაქცია ”ევროპული საქართველოს” წევრმა ოთარ კახიძემ ჟურნალისტებს საკონსტიტუციო კომისიის ფარგლებში შექმნილი სასამართლოსა და ადამიანის უფლებებზე მომუშავე სამუშო ჯგუფის შეხვედრის დასრულების შემდეგ განუცხადა.

მისი თქმით, აღნიშნული "საზოგადოებისთვის იქნება კატეგორიულად მიუღებელი".

”ჩემთვის შემაშფოთებელია საკითხი, რომელიც ეხება სიტყვისა და აზრის გამოხატვის თავისუფლებას, იყო საუბარი, რომ აქ სტანდარტმა დაიწიოს, რაც ჩვენი საზოგადოებისთვის იქნება კატეგორიულად მიუღებელი, რადგან აღნიშნული კონსტიტუციური უფლებების და თავისუფლებების ძალიან მაღალი სტანდარტი გვაქვს ჩვენ, რაც შემდგომ საკონსტიტუციო სასამართლოს ძალიან კარგად აქვს განმარტებული და პრაქტიკაში ამ თავისუფლებამ კონკრეტული განზომილებები შეიძინა. ამაზე შეთანხმება ჯერჯერობით არაა და ამაზე სამუშაო ჯგუფში დისკუსია გაიმართა მხოლოდ”, - განაცხადა კახიძემ.

მან აქვე აღნიშნა, რომ საქართველოს კონსტიტუციის პრეამბულაში, ქვეყნის ევროატლანტიკურ მისწრაფებებზე ჩანაწერის გაკეთების იდეას იზიარებს.

”საქართველოს ევროატლანტიკური მისწრაფებების პრეამბულაში გასაზღვრა სწორი იქნება და მე ამ იდეას ვიზიარებ. როდესაც იქნება წარმოდგენილი კონკრეტული ფორმულირება, ამაზე მსჯელობა შემდეგ გაგრძელდება”, - აღნიშნა კახიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სტამბოლში სტენდაფ კომიკოსი ერდოღანზე ხუმრობის გამო დააკავეს

რუსეთის ბენზინგასამართ სადგურებზე რიგები ახლა კოსმოსიდანაც ჩანს

ნავთობგადამამუშავებელი ქარხნების დაბომბვებმა ნავთობისა და გაზის ბიუჯეტის შემოსავლები ტრილიონი რუბლით შეამცირა

ოკუპირებული ცხინვალის რეგიონის „საპრეზიდენტო“ არჩევნების ე.წ. ვადამდელი თარიღად 18 სექტემბერი დადგინდა