2016-12-29 21:37:52, 2784 ნახვა
მსოფლიო
დევიდ ქემერონი შესაძლოა, ნატო-ს მომავალი გენერალური მდივანი გახდეს
დევიდ ქემერონი შესაძლოა, ნატო-ს მომავალი გენერალური მდივანი გახდეს, - ამის შესახებ ბრიტანული გამოცემა The Independent-ი იუწყება.
მათი ინფორმაციით, დიდი ბრიტანეთის ყოფილი პრემიერ-მინისტრის, დევიდ ქემერონის კანდიდატურის ჩრდილოატლანტიკური ალიანსის გენერალური მდივნის თანამდებობაზე წარდგენას მოქმედი პრემიერი ტერეზა მეი გეგმავს.
ცოტა ხნით ადრე, დიდი ბრიტანეთის თავდაცვის მინისტრმა მაიკლ ფელონმა განაცხადა, რომ დიდი ბრიტანეთი აპირებს, ნატო-ში უფრო აქტიური როლი შეასრულოს.
ცნობისთვის, ამჟამად ნატო-ს გენერალური მდივანი ნორვეგიის ყოფილი პრემიერ-მინისტრი იენს სტოლტენბერგია, რომელსაც უფლებამოსილების ვადა 2018 წელს ეწურება.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
