საქართველოში ესტონეთის პრემიერ-მინისტრის, ტაავი როივასის ვიზიტის ფარგლებში,13 იანვარს, 10:00 საათზე, სასტუმრო “Radisson Blu Iveria”-ში საქართველო-ესტონეთის ბიზნეს ფორუმი გაიმართება, რომელსაც ორგანიზებას უწევენ საქართველოს ეროვნული საინვესტიციო სააგენტო და ესტონეთის სავაჭრო სამრეწველო პალატა. 

როგორც "ექსპრესნიუსს" საქართველოს ეროვნული საინვესტიციო სააგენტოდან აცნობეს, აღნიშნულ ფორუმში ქართული და ესტონური მხრიდან როგორც საჯარო, ისე კერძო სექტორის 120-მდე წარმომადგენელი მიიღებს მონაწილეობას.

ბიზნეს ფორუმზე საქართველოს ეკონომიკის ძირითად მიმართულებებზე (სოფლის მეურნეობა, ტურიზმი, ენერგეტიკა, ტრანსპორტი და ლოგისტიკა) კონცენტრირებული რამდენიმე პრეზენტაცია იქნება წარმოდგენილი. ფორუმის მომხსენებლები იქნებიან საქართველოს საჯარო და კერძო სექტორების მაღალი რანგის წარმომადგენლები და მასში მონაწილეობას მიიღებენ საქართველოში ვიზიტად მყოფი მსხვილი ლატვიური კომპანიების ხელმძღვანელი პირები. ფორუმის ფარგლებში სტუმრებს სიტყვით მიმართავენ საქართველოს პრემიერ-მინისტრი, ბატონი ირაკლი ღარიბაშვილი და ესტონეთის პრემიერ-მინისტრი, ბატონი ტაავი როივასი. ღონისძიების ფარგლებში ასევე დაგეგმილია საქართველოს სავაჭრო სამრეწველო პალატასა (GCCI) და ესტონეთის სავაჭრო სამრეწველო პალატას (ECCI) შორის ურთიერთგაგების მემორანდუმის ხელმოწერა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ილია თოფურია ჯასტინ გეიჯს - ეს ისტორია ჩვენს შორის შორსაა დასრულებისგან, ჩვენ გვექნება ჩვენი რემატჩი

ტრამპმა განაცხადა, რომ ირანის შემდეგ ის უკრაინაში ომზე „კონცენტრირდება“.

სქროლვა-სქრინვის (ცენზურის) დეპარტამენტმა სასამართლოებს უკვე 60 საქმე გადასცა

Amnesty — საქართველოს ხელისუფლებას: შეწყვიტეთ ცილისწამება, გააუქმეთ კანონები და გამოიძიეთ ძალადობა