2016-12-10 15:14:29, 2691 ნახვა
მსოფლიო
ბულგარეთში, მატარებლის აფეთქების შედეგად 4 ადამიანი დაიღუპა, 20-ზე მეტი კი დაშავდა
ბულგარეთში, სატვირთო მატარებლის აფეთქების შედეგად 4 ადამიანი დაიღუპა, 20-ზე მეტი კი მძიმედ დაშავდა, - ამის შესახებ BBC იუწყება.
მედია საშუალების ცნობით, დაშავებულები ადგილობრივ ჰოსპიტალში არიან გადაყვანილი.
ბოლო ინფორმაციით, სარკინიგზო კატასტროფა სოფელ ჰიტრინოში მოხდა, სადაც სულ მცირე 20 შენობა დაინგრა.
მედიის ცნობით, აფეთქების შემდეგ სოფელ ჰიტრინოში ხანძარი გაჩნდა, რის გამოც მოსახლეობის ავაკუაცია გახდა საჭირო. ადგილზე 150-მდე მაშველია მობილიზებული.
ამასთან, სამართალდამცველები აფეთქების მიზეზებს არკვევენ. ინციდენტის ადგილას ქვეყნის პრემიერ-მინისტრი ბოიკო ბორისოვი და ტრანსპორტის მინისტრი ივალიო მოსკოვსკი აპირებენ.
ცნობისთვის, სოფელი ჰიტრინო, სადაც 800-მდე ადამიანი ცხოვრობს, შავი ზღვიდან 60 კილომეტრში მდებარეობს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
