2016-12-10 14:34:39, 2745 ნახვა
მსოფლიო
საფრანგეთის მთავრობა საგანგებო მდგომარეობის 15 ივლისამდე გახანგრძლივებას გეგმავს
საფრანგეთის მთავრობა საგანგებო მდგომარეობის 15 ივლისამდე გახანგრძლივებას გეგმავს, - ამის შესახებ France24 იუწყება.
საფრანგეთის პრემიერ-მინისტრ ბერნარ კაზნოვის განცხადებით, ის მთავრობის შესაბამის შეთავაზებას პარლამენტს წარუდგენს. კაზნოვის განმარტებით, საგანგებო მდგომარეობის გახანგრძლივება 2017 წლის საპრეზიდენტო და საპარლამენტო არჩევნებს უკავშირდა.
საგანგებო მდგომარეობა საფრანგეთში 2015 წლის ნოემბერში განხორციელებული ტერორისტული აქტების შემდეგ მოქმედებს. პრემიერ-მინისტრის ინიციატივას ეროვნული ასამბლეა და სენატი მომდევნო კვირას განიხილავენ.
ცნობისთვის, საფრანგეთის საპრეზიდენტო არჩევნები 2017 წლის აპრილში ჩატარდება.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
