2016-12-07 21:19:40, 2868 ნახვა
მსოფლიო
პაკისტანში სამგზავრო თვითმფრინავმა კატასტროფა განიცადა
პაკისტანის ავიაკომპანია Pakistan International Airlines-ის თვითმფრინავმა კატასტროფა განიცადა.
გავრცელებული ინფორმაციით, თვთმფრინავი ქვეყნის ჩრდილოეთ ნაწილში, მთიან რაიონში ჩამოვარდა. ბორტზე 47 ადამიანი იმყოფებოდა.
თვითმფრინავი ქვეყნის ჩრდილოეთ ნაწილში მდებარე ქალაქ ჩიტრალიდან ისლამაბადში ასრულებდა რეისს. ის რადარებიდან აფრენისთანავე გაქრა.
როგორც აეროპორტის სადისპეტჩერო სამსახურში აცხადებენ, გაუჩინარებამდე მფრინავმა განგაშის სიგნალი გაგზავნა.
ამჟამად ავიაკატასტროფის ადგილისკენ მაშველები მიემართებიან.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
